កូរ៉េខាងត្បូង៖ ទីបំផុត បំណងប្រាថ្នា ដែលអ្នកគាំទ្រទូទាំងពិភពលោក ខំទន្ទឹងរង់ចាំអស់រយៈពេលជាច្រើនខែមកនេះ បានក្លាយជាការពិតហើយ ដោយកាលពីព្រឹកព្រលឹមថ្ងៃទី២៥ ខែមិនានេះ ផលិតកម្ម YG Entertainment បានប្រកាសដំណឹងដ៏គួរឲ្យអបអរបំផុត ដោយក្រុមចម្រៀងនារីកំពុងមានកេរ្តិ៍ឈ្មោះល្បីល្បាញ BLACKPINK នឹងវិលមកវិញជាថ្មីជាមួយនឹង Mini Albumថ្មីរបស់ខ្លួន មានបទចម្រៀងចំណងជើងថា «Kill This Love» ដែលនឹងត្រៀមចេញជាផ្លូវការនៅថ្ងៃទី ៥ ខែមេសា ឆ្នាំ២០១៩ ឆាប់ៗខាងមុខនេះហើយ។
អ្វីដែលពិសេសជាងនេះទៅទៀតនោះ សម្រាប់បទចម្រៀងថ្មី «Kill This Love» នេះផងដែរ ត្រូវបានខាងផលិតកម្ម YG Entertainment បានអះអាងថា បទនេះនឹងមានឥទ្ធិពលខ្លាំងជាង បទ«DDu-Du-DDu-Du» ទ្វេដងទៅទៀត។ មិនតែប៉ុណ្ណោះ ចំពោះក្បាច់រាំនៃបទថ្មីនេះផងដែរ ត្រូវបានបំបែកនិងបង្ហាត់ ដោយអ្នកបង្វឹកក្បាច់រាំលំដាប់ពិភពលោក រហូតដល់ទៅ៤នាក់ឯណោះ។
បន្ថែមពីនេះទៅទៀតនោះ បច្ចុប្បន្ននេះទាំងសមាជិកក្រុម BLACKPINK ទាំង៤រូប ក៏ដូចជាក្រុមការងាររាប់រយនាក់ កំពុងតែដុតដៃដុតជើង ប្រឹងប្រែងបញ្ចប់ការថត MV បទថ្មីមួយនេះ ទាំងថ្ងៃទាំងយប់ មកទល់ពេលនេះគឺរយៈ៤យប់៤ថ្ងៃហើយ ពួកគេមិនទាន់បានសម្រាកឡើយ។
ប៉ុន្តែទោះជាយ៉ាងណា ខាងផលិតកម្មបានអះអាងយ៉ាងមុតមាំថា បទចម្រៀងថ្មី«Kill This Love» នឹងធ្វើឲ្យកក្រើកKpop ជាងបទផ្សេងទាំងអស់របស់ BLACKPINK ទាំងសាច់ភ្លេង និងជាពិសេសគឺក្បាច់រាំ នឹងកាន់តែរលាស់រស់រវើកតែម្តង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]