SM Entertainment មានគម្រោងបង្កើតក្រុម Girls’ Generation 2 និងNTC 2 តែសមាជិកក្នុងក្រុម តម្រូវឲ្យជា.....

កូរ៉េខាងត្បូង៖ SM Entertainment ជាផលិតកម្មធំមួយរបស់កូរ៉េដែលក្រុមចម្រៀងប្រុសស្រីល្បីៗជាច្រើនមានដូចជា Girls’ Generation, EXO, SHINee, Red Velvet, NCT ជាដើមដែលស្ថិតនៅ ក្រោមការគ្រប់គ្រងរបស់ផលិតកម្មមួយនេះ។

កាលពីថ្ងៃទិ២០ ខែមិនាដោយយោងតាម New Dailyបានបញ្ចេញវីដេអូឃ្លីបសម្ភាសន៍ជាមួយលោកLee Sung Sooអ្នកគ្រប់គ្រងផ្នែកផលិតរបស់SMបានឲ្យដឹងថា ខាងផលិតកម្មកំពុងតែ មានគម្រោងវាយលុកទីផ្សារ ចម្រៀងជុំវិញពិភពលោក។

លោកLee Sung Sooបានរៀបរាប់ថា «យើងរៀបគម្រោងDebutក្រុមចម្រៀង Girls’ Generation 2 ដោយសមាជិកក្នុងក្រុមជាជនជាតិអាមេរិកទាំងអស់ និងក្រុមNTC 2ដែលសមាជិកជាជនជាតិបរទេសទាំងអស់ ដែលនេះជាយុទ្ធសាស្រ្តចូលក្នុងទីផ្សារបស់ SM Entertainment»។

លោកបានបន្ថែមទៀតថា «សម្រាប់ជំនួសឲ្យការព្យាយាមតម្រូវចិត្តមនុស្សទូទៅ SM Entertainment បានរៀបចំគម្រោងថ្មីមួយ សម្រាប់អ្នកចូលចិត្តអ្វីដែលជាលក្ខណៈរបស់SM យើងធានាថាអ្នកគាំទ្រទាំងអស់ និងចូលចិត្តមិនត្រឹមតែនៅក្នុងប្រទេសតែប៉ុណ្ណោះទេ តែនៅអាមេរិក និងអឺរ៉ុបក៏ដូចគ្នា ដែលនេះជាក្តីស្រមៃ ដែលយើងនឹងពង្រីកទីផ្សារឲ្យក្លាយទៅជាលំដាប់ពិភពលោក ហើយយើងក៏មានគម្រោងធ្វើបែបនេះដូចគ្នានៅសឹង្ហបុរី ឥណ្ឌូនេស៊ី វៀតណាម និងប្រទេសផ្សេងៗទៀតដែលរួមការងារជាមួយយើង»៕

• តារាកូរ៉េ