ដេកសុខៗមានអារម្មណ៍ថាមានអ្វីម្យ៉ាងអង្អែល.ក តាមពិតជាពស់ថ្លាន់កំពុងរុំ.ក (មានវីដេអូ)

ម៉ាឡេស៊ី៖ ស្តី្រម្នាក់ឈ្មោះ Nor Alia Aqilla Jamaluddin កំពុងដេកលង់លក់សុខៗ ស្រាប់តែមានពស់ថ្លាន់វារចូលមកក្នុងបន្ទប់ដេករបស់នាង។ ក្នុងថ្ងៃកើតហេតុកាលពីថ្ងៃទី២០ ខែ មីនា ឆ្នាំ២០១៩ កន្លងទៅ នាងបានភ្ញាក់ដឹងខ្លួនម្តងដែរនៅម៉ោង៣ទៀបភ្លឺ  តែពេលនោះនាងមិនឃើញមានអ្វីចម្លែកនៅក្នុងបន្ទប់នាងទេទើបដេកទៅវិញ។ លុះដល់ម៉ោង៤ទៀបភ្លឺ នាងស្រាប់តែមានអារម្មណ៍ថាហាក់ដូចជាមានអ្វីម៉្យាងមកអង្អែលជុំវិញ.កនាង។

នាង Alia បាននិយាយឱ្យដឹងថា “គ្រានោះខ្ញុំមានអារម្មណ៍ដូចអ្វីទន់ៗមកអង្អែលជុំវិញ.ករបស់ខ្ញុំ។  ខ្ញុំក៏បានងើយមើលទាំងងងឹត ហើយខ្ញុំក៏បានឃើញអ្វីម៉្យាងព្រៀលៗប្រៀបដូចក្បាលពស់។  វាថែមទាំងយកអណ្តាតមកលិឍ.កខ្ញុំទៀតផង។ ភ្លាមនោះ ខ្ញុំបានក្រោកឡើងយ៉ាងប្រញាប់ទៅបើកកុងតាក់ភ្លើងមើល។ អ្វីដែលធ្វើឲ្យខ្ញុំភ្ញាក់ផ្អើលនោះគឺ ខ្ញុំបានរកឃើញសត្វពស់ថ្លាន់ កំពុងសំងំនៅលើគ្រែដេក”។

នាង Alia បានស្រែកឆោឡោស្ទុះទៅប្រាប់ម្តាយមីងយ៉ាងលឿន។  ពួកគេក៏បានខលហៅក្រុមអ្នកពន្លត់អគ្គិភ័យ និងសង្គ្រោះបន្ទាន់ ដើម្បីឲ្យមកចាប់ពស់ថ្លាន់ចេញពីផ្ទះ។ យោងតាមប្រភពពីសារព័ត៌មានម៉ាឡេស៊ីបានឱ្យដឹងថា សត្វពស់ថ្លាន់មានប្រវែង ៣ម៉ែត្រ និងទម្ងន់ប្រមាណ ២៦គីឡូក្រាម។

ឥឡូវនេះអ្នករស់នៅទីនោះកំពុងឆ្ងល់ថា ផ្ទះរបស់នាង Alia  នៅជាន់ទី១៤ ឯណោះ  ហេតុអ្វីបានជាពស់ថ្លាន់អាចវារចូលដល់បន្ទប់នាងបាន៕

មានវីដេអូនៅខាងក្រោម៖

• វីដេអូ