ចិន៖ សត្វឆ្កែដ៏គួរឲ្យស្រលាញ់មួយក្បាល បានក្លាយទៅជាតារាល្បីលើបណ្តាញសង្គមភ្លាមៗ បន្ទាប់ពីវីដេអូឃ្លីបមួយត្រូវបានបង្ហោះចែកចាយ ក្នុងថ្ងៃមង្គលការរបស់ម្ចាស់ស្រីវា ក្រោយវាបានបង្ហាញសកម្មភាពរារាំងកូនកំលោះ មិនឲ្យចូលក្នុងបន្ទប់កូនក្រមុំ (ម្ចាស់ស្រីវា) ដែលធ្វើឲ្យគ្រប់គ្នាទប់សំណើចមិនបាន។
ហេតុការណ៍ និងពិធីមង្គលការនេះ ត្រូវបានធ្វើឡើងក្នុងខេត្ត Henan ប្រទេសចិន កាលពីថ្ងៃទី១៤ មីនា ឆ្នាំ២០១៩ កន្លងទៅ។
នៅក្នុងថ្ងៃមង្គលការនោះ ត្រូវបានគេរាយការណ៍ថា ខាងសាច់ញាតិកូនកំលោះ និងកំលោះ បានធ្វើដំណើរមកដល់ផ្ទះខាងកូនក្រមុំ ទៅតាមប្រពៃណី ដែលតម្រូវឲ្យកូនកំលោះ សុំបើកទ្វារចូលបន្ទប់កូនក្រមុំ (ដើម្បីយកនាងចេញមកក្រៅ)។
ប៉ុន្តែផ្ទុយទៅវិញ អ្វីដែលជារឿងដ៏ហួសចិត្ត និងអស់សំណើចនោះ បែរជាត្រូវសត្វឆ្កែចិញ្ចឹមរបស់ម្ចាស់ផ្ទះខាងកូនក្រមុំ រត់មកឃាំងមុខទ្វារបន្ទប់ជាប់ ដោយក្នុងបំណងចង់ការពារម្ចាស់ស្រីរបស់វា មិនចង់ឲ្យម្ចាស់វាចេញមកក្រៅ ហើយក៏មិនចង់ឲ្យកូនកំលោះបានចូលទៅក្នុងឡើយ បើទោះបីជាគ្រប់គ្នាព្យាយាមដេញវាឲ្យចេញពីទីនោះក៏ដោយ។
ប៉ុន្តែបើទោះយ៉ាងណាក្តី ចុងក្រោយឆ្កែដ៏គួរឲ្យស្រលាញ់មួយក្បាលនេះ ក៏នៅតែត្រូវបានគេចាប់វាចេញបានសម្រេចផងដែរ។
ជុំវិញនឹងរឿងរ៉ាវដ៏អស់សំណើចមួយនេះ ម្ចាស់ឆ្កែ (គ្រួសារកូនក្រមុំ) ក៏បានឲ្យដឹងដែរថា វាជាឆ្កែដែលគួរឲ្យស្រលាញ់ និងបានរស់នៅជាមួយនឹងនាង (កូនក្រមុំ) អស់រយៈពេលជាង ៧ឆ្នាំមកហើយ ហើយវាក៏មិនមែនជាឆ្កែដែលក្លាហានអីបែបនេះនោះទេ។ ព្រោះជាក់ស្តែង សូម្បីតែសំឡេងដុតផាវនៅក្នុងថ្ងៃការនោះ ក៏វាភ័យញ័រដែរ ហើយនេះក៏អាចជាមូលហេតុមួយ ដែលធ្វើឲ្យវាស្លន់ស្លោរហូតរត់មកឃាំងទ្វារបន្ទប់យ៉ាងក្លាហានបែបនេះ ក៏ដូចជាក្នុងបំណងចង់ការពារម្ចាស់វាដែរ។
យ៉ាងណាមិញ ម្ចាស់របស់វាក៏បានសម្ដែងអារម្មណ៍រំភើប និងការស្រលាញ់ ដោយសារតែនេះក៏បានបង្ហាញឲ្យឃើញថា វាគឺជាឆ្កែមួយក្បាលដែលស្មោះស្ម័គ្រនឹងម្ចាស់៕
ទស្សនាវីដេអូខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
