អេស្ប៉ាញ៖ យោងតាមសារព័ត៌មាន L’Equipe បានរាយការណ៍ថា ខ្សែការពារសញ្ជាតិបារាំង Raphael Varane បានបង្ហាញចេតនាទំនងជាអាចចាកចេញពីក្លិប Real Madrid នៅពេលឆាប់ៗនេះ។
Raphael Varane បានចូលរួមជាមួយ Real Madrid កាលពីឆ្នាំ ២០១៦ និងធ្លាប់ឈ្នះពានរង្វាន់ផ្សេងៗសរុប ១៦ ជាមួយក្លិបអធិរាជ-ស។ បើតាម L’Equipe ដដែលបានឱ្យដឹងថា ការសម្រេចចិត្តចាកចេញរបស់ Varane មិនពាក់ព័ន្ធទៅនឹងទម្រង់លេងដុនដាបរបស់ Real Madrid ឬការត្រឡប់មកវិញរបស់លោក Zidane ឡើយ។ ប៉ុន្តែផ្ទុយទៅវិញ Varane បានលើកហេតុផលថា ខ្លួនចង់ចាកចេញពី Real Madrid ក្នុងគោលបំណង “ស្វែងរកការប្រកួតប្រជែងថ្មីមួយ” សម្រាប់ខ្លួនឯងផ្ទាល់ ស្របពេលដែលមានព័ត៌មាននៃការចង់បានខ្សែការពារបារាំងរូបនេះពីក្លិប Manchester United ផងដែរ។
គួរបញ្ជាក់ថា Real Madrid បានទិញយកកីឡាករ Raphael Varane ពីក្លិប Lille ក្នុងតម្លៃខ្លួន ១០លានអឺរ៉ូ។ ខ្សែការពាររូបនេះទើបតែបានបន្តកិច្ចសន្យាថ្មីមួយ ជាមួយក្លិបផងដែរ ខណៈដែលកិច្ចសន្យានោះមានសុពលភាពរហូតដល់ឆ្នាំ ២០២២។ ដោយឡែក បើតាម Transfermkt វិញ សព្វថ្ងៃនេះ Varane គឺជាកីឡាករខ្សែការពារដែលមានតម្លៃខ្លួនខ្ពស់ជាងគេបង្អស់ ពោលគឺមានតម្លៃខ្លួនជាង ៨០លានអឺរ៉ូ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
