សាលារៀនជាច្រើននៅទីក្រុងញ៉ូវយ៉ក ចាប់ផ្តើមឲ្យសិស្សរៀនហូបអាហារបួស មួយថ្ងៃក្នុងមួយសប្តាហ៍ (មានវីដេអូ)

ញ៉ូវយ៉ក៖ កាលពីពេលថ្មីៗនេះសាលារៀនជាច្រើនក្នុងទីក្រុងញ៉ូវយ៉ក បានចាប់ផ្តើមឲ្យសិស្សរៀនហូបអាហារបួសមួយថ្ងៃក្នុងមួយសប្តាហ៍ ក្នុងគោលបំណងចូលរួមថែរក្សានិងការពារភពផែនដី ក៏ដូចជាចង់ថែទាំសុខភាពសិស្សឲ្យបានល្អប្រសើរ។ នេះបើយោងតាមការប្រភពពីវេទិកាសេដ្ឋកិច្ចពិភពលោក World Economic Forum ចេញផ្សាយថ្ងៃទី១៥ ខែ មីនា ឆ្នាំ ២០១៩។

សព្វថ្ងៃសិស្សមួយភាគធំដែលរស់នៅទីក្រុងញ៉ូវយ៉ក ជ្រើសរើសការហូបអាហារពេលព្រឹក និងរសៀលនៅឯសាលារៀន។  ចាប់ផ្តើមពីខែកញ្ញាតទៅ សាលារៀនជាច្រើនក្នុងទីក្រុងញ៉ូវយ៉កនឹងធ្វើម្ហូបបួសឲ្យពួកគេញុំារៀងរាល់ថ្ងៃច័ន្ទតែម្តង។

គួរបញ្ជាក់ថា នៅពេលដែលមនុស្សចូលចិត្តទទួលទានសាច់ក្រហមច្រើនពេក វានឹងអាចធ្វើឲ្យមានផលប៉ះពាល់ដល់សុខភាពរបស់ពួកគេ។ ហើយបើពួកគេចូលចិត្តបរិភោគអាហារកែច្នៃដែលមានច្រើនហួសប្រមាណ  ក៏អាចបណ្តាលឲ្យពួកគេងាយនឹងស្លាប់មុនអាយុផងដែរ។

សព្វថ្ងៃនេះការបើកកសិកម្មចិញ្ចឹមសត្វមានដូចជា មាន់ ជ្រូក គោ ក្របីនេះកំពុងក្លាយទៅជាបញ្ហាដ៏ធំ ដែលបានផ្តល់ផលប៉ះពាល់ដល់ប្រព័ន្ធបរិស្ថានយ៉ាងខ្លាំង។ ក្នុងពេលជាមួយគ្នានេះ រោងចក្រចិញ្ចឹមសត្វជាច្រើនបានបំភាយឧស្ម័នផ្ទះកញ្ចក់ជាសកល ដល់ទៅ ១៥ភាគរយចូលក្នុងប្រព័ន្ធបរិស្ថាន៕

មានវីដេអូនៅខាងក្រោម៖

• អាហារ
• បរិស្ថាន
• សាលា