ទោះSeungri កំពុងមានរឿងធំ តែសមាជិកក្រុម Big Bang គ្រប់គ្នានៅតែញញឹមស្រស់ ពេលកំពុងហាត់ទាហាន!

កូរ៉េខាងត្បូង៖ រូបថតកាលពីថ្មីៗនេះ របស់សមាជិក២រូបរបស់ក្រុម Big Bang គឺTaeyang និង Daesung នៅក្នុងបន្ទាយហ្វឹកហាត់ទាហាន ត្រូវបានចែកចាយពាសពេញបណ្តាញទំនាក់ទំនងសង្គម។

យ៉ាងណាមិញ ក្នុងនោះគេសង្កេតឃើញថា ទឹកមុខរបស់តារាប្រុសទាំង២ដួងនេះ ពោរពេញទៅដោយស្នាមញញឹមសប្បាយរីករាយ និងមានសាច់ឈាមស្រស់ សុខភាពល្អ មិនបានធ្វើឲ្យអ្នកគាំទ្រមានការព្រួយបារម្ភបន្តិចសោះឡើយ។

មិនតែប៉ុណ្ណោះ ក៏មានអ្នកនិយមលេងអុីនធើណែតបាននិយាយថា៖ «អាចប្រហែលជាគ្មានអ្វីដែលគួរឲ្យភ្ញាក់ផ្អើលនោះទេសម្រាប់ពួកគេ ពីព្រោះពួកគេស្គាល់ចរិតពិត Seungri ច្បាស់ថាជាមនុស្សបែបណា» រីឯអ្នកខ្លះទៀតបាននិយាយថា «Taeyang ឡើងទម្ងន់ជាងមុន» ជាដើមផងដែរ។

គួររំឮកផងដែរថា កាលពីថ្មីៗកន្លងទៅនេះ Seungri សមាជិកកូនពៅប្រចាំក្រុម Big Bang បានប្រកាសចាកចេញពីផលិតកម្ម YG Entertainment ហើយក៏បានប្រកាសចាកចេញពីវិស័យសិល្បៈទាំងមូលតែម្តង ដោយសារតែកំពុងជាប់ពាក់ព័ន្ធទៅនឹង រឿងអាស្រូវពេស្យាចារ រឿងពុករលួយជាមួយប៉ូលីស រឿងGroup Chat បង្កប់កាមេរ៉ារំលោភមនុស្សស្រី និងរឿងអាស្រូវជាច្រើនផ្សេងទៀត ហើយបច្ចុប្បន្ននេះ Seungri កំពុងស្ថិតនៅក្រោមការស៊ើបអង្កេត ពីប៉ូលីសផងដែរ៕   

• តារាកូរ៉េ