រាជធានីភ្នំពេញ ៖ បុរសម្នាក់ជិះម៉ូតូឌុបប្រពន្ធឆ្លងស្តុបបានប៉ះពារសំដីតិចតូចមិនចេះអព្យាស្រ័យអោយគ្នាជេរគ្នាតាមផ្លូវត្រូវនាក់បើករថយន្តបើកដេញកៀរ បណ្តាលអោយដួល ហើយយកបំពង់ទីបវាយបណ្តាលអោយរងរបួសបែកក្បាលហូរឈាមស្រោចពេញខ្លួន ចំណែកជនបង្ករត់ចោលរថយន្តគេចខ្លួនបាត់បង្កឲ្យមានការភ្ញាក់ផ្អើល កាលពីវេលាម៉ោង៩និង៥៥នាទីយប់ ថ្ងៃទី១៧ ខែមីនា ឆ្នាំ២០១៩ នៅតាមបណ្ដោយផ្លូវសហព័ន្ធរុស្ស៊ីទល់មុខប្រលានយន្តហោះអន្តរជាតិភ្នំពេញ ដែលស្ថិតនៅភូមិក្បាលដំរី សង្កាត់កាកាបទី១ ខណ្ឌពោធិ៍សែនជ័យ ។
ជនរងគ្រោះឈ្មោះ មាន ម៉េត ភេទប្រុស អាយុ៣៧ឆ្នាំ មុខរបរបុគ្គលិកក្រុមហ៊ុន ស្នាក់នៅភូមិ ចំការឪឡឹក សង្កាត់កាកាបទី១ ខណ្ឌពោធិ៍សែនជ័យ មានប្រពន្ធឈ្មោះ សឹម ណៃគី អាយុ ៣១ឆ្នាំ មុខរបរ កម្មកររោងចក្រ ស្នាក់នៅភូមិភូមិ ចំការឪឡឹកសង្កាត់កាកាបទី១ ខណ្ឌពោធិ៍សែនជ័យ ។ ជនរងគ្រោះជិះម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខ ភ្នំពេញ1BY -0020 ជិះ២នាក់ប្រពន្ធ ។ ចំណែកជនបង្កបើករថយន្តម៉ាកកូរ៉េ១តោនកន្លះ ពណ៌ផ្ទៃសមុទ្រ ពាក់ស្លាកលេខ 3224 ភព 2 ជិះស្របទិសគ្នាជាមួយជនរងគ្រោះ ។
តាមប្រភពព័ត៌មានពីស្ត្រីជាពន្ធជនរងគ្រោះបាននិយាយប្រាប់ថា នៅមុនពេលកើតហេតុ រូបគាត់នឹងប្តីរបស់គាត់បានបើកម៉ូតូឆ្លងស្តុប ២០០៤ បន្ទាប់មក ស្រាប់តែជនបង្កបើករថយន្តស្របជាមួយគាត់ ហើយបានប៉ះពារសំដីជាមួយប្តីរបស់គាត់នៅតាមផ្លូវផងដែរ ស្រាប់តែភាគីបង្កខាងលើបានបើករថយន្តកៀរម៉ូតូរបស់គាត់ បណ្តាលឲ្យដួល ហើយជនបង្កខាងលើបានចុះពីលើរថយន្ត ដោយយកបំពង់ទីបមកវាយជនរងគ្រោះដែលកំពុងនៅលើម៉ូតូ ឲ្យដួលម៉ូតូបណ្តាលឲ្យបែកក្បាលជាច្រើនកន្លែង ត្រូវប្រពន្ធជនរងគ្រោះស្រែកអោយប្រជាពលរដ្ឋមកជួយ ហើយភាគីបង្កខាងលើភ័យខ្លួនរត់ចោលរថយន្តគេចខ្លួនបាត់ស្រមោល ។
ចំណែកប្រជាពលរដ្ឋដែលមកជួយដោយខឹងខ្លាំងពេកបាននាំគ្នាយកដុំថ្មវាយគប់រថយន្តបង្កខាងលើ បណ្តាលឲ្យបែកកញ្ចក់ជាច្រើនកន្លែងផងដែរ ហើយបាននាំគ្នាជិះម៉ូតូចេញទៅអស់ ។ ក្រោយពេលកើតហេតុជនរងគ្រោះត្រូវបានប្រពន្ធទាក់ទងបងប្អូន ដើម្បីយកជនរងគ្រោះទៅ មន្ទីរពេទ្យបង្អែកពោធិ៍ចិនតុង ដើម្បីព្យាបាលរបួស ភ្លាមៗផងដែរ ចំណែករថយន្តបង្កខាងលើ សមត្ថកិច្ចនគរបាលប៉ុស្តិ៍បានយកទៅរក្សាទុក ដើម្បីរង់ចាំម្ចាស់រថយន្តចេញមុខដោះស្រាយ ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]