កូរ៉េខាងត្បូង៖ មួយរយៈចុងក្រោយនេះ រឿងរ៉ាវអាស្រូវជាច្រើនករណីរបស់ Seungri អតីតសមាជិកក្រុម BIG BANG បានធ្វើឲ្យភាគហ៊ុនរបស់ផលិតកម្មYG Entertainment ធ្លាក់ចុះជាលំដាប់ រហូតឈានដល់ការខាតបង់ប្រាក់ រហូតដល់ទៅរាប់រយលានដុល្លារ ក្នុងរយៈពេលត្រឹមតែមួយថ្ងៃប៉ុណ្ណោះ។
ប៉ុន្តែទោះជាយ៉ាងណា អាចនិយាយបានថា ក្រោយភ្លៀងមេឃស្រលះ ដោយនៅថ្ងៃទី១៨ ខែមិនានេះក្រុមចម្រៀងនារីលំដាប់ជួរមុខនាពេលបច្ចុប្បន្ន BLACKPINK បានប្រកាសជាផ្លូវការថា ខ្លួននឹងវិលត្រឡប់មកវិញជាថ្មីជាមួយនឹង Mini Album នៅចុងខែមិនានេះហើយ ចំពោះការបរិច្ឆេទជាក់លាក់គឺនៅមិនទាន់បង្ហើបនៅឡើយនោះ ប៉ុន្តែពួកគេនឹងចេញថត MV នៅក្នុងសប្តាហ៍នេះហើយ។
យ៉ាងណាមិញ គ្រាន់តែដំណឹងដ៏គួរឲ្យអបអរសាទរមួយនេះប្រកាសចេញភ្លាម បានធ្វើឲ្យភាគហ៊ុនរបស់ផលិតកម្ម YG ដែលបានធ្លាក់ចុះអស់រយៈពេលជាច្រើនថ្ងៃជាប់គ្នាមកនេះ បានកើនឡើងវិញស្រឺតៗគួរឲ្យកត់សម្គាល់តែម្តង។
មិនតែប៉ុណ្ណោះ អ្នកគាំទ្រថែមទាំងបានរំពឹងយ៉ាងម៉ុតមាំថា ការវិលត្រឡប់មកវិញលើកនេះរបស់ BLACKPINK នឹងធ្វើឲ្យកាន់តែផ្ទុះកក្រើក ថែមទាំងជួយស្រោចស្រង់ភាគហ៊ុន YG បានមួយទំហឹងផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]