ភ្នំពេញ៖ ក្រុមបាល់ទាត់ កណ្ដុរស FC បានយកឈ្នះក្រុមខ្លាំង 3G FC ទាំងលំបាកដោយលទ្ធផល ១-0 ក្នុងការប្រកួតបើកឆាកសប្ដាហ៍ទី១ ពានរង្វាន់អធិរាជវាលស្មៅ Ganzberg Cup ២០១៩ កាលពីយប់ថៃ្ងសៅរ៍កន្លងទៅ។
កណ្ដុរស FC ដែលជើងឯក Ganzberg Cup រដូវកាលទី៣ បានធើ្វការប្រកួតយ៉ាងស្វិតស្វាញជាមួយក្រុមជើងឯករដូវកាលទី២ 3G FC ក្រោមក្រសែភ្នែកអ្នកចូលរួមទស្សនារាប់រយនាក់ ក្នុងទីលានបាល់ទាត់ T-Soccer ដោយការប្រកួតរវាងក្រុមខ្លាំងទាំង២នេះ មានគ្រាប់បាល់កើតឡើងចំនួន១គ្រាប់គត់។
១គ្រាប់ដែលកើតឡើងនោះ ធើ្វបានដោយកីឡាករ គាត លឹមទី នៅតង់ទី២ នាទីទី២៤ ដែលជាការបាញ់១ជើងស្ដាំយ៉ាងស្អាត។
លទ្ធផលនេះបានរក្សារហូតដល់ចប់ការប្រកួត ដែលធើ្វឲ្យ កណ្ដុរស FC យកឈ្នះ 3G FC ដោយលទ្ធផលបច្ចេកទេស ១-០ នៃពានរង្វាន់ អធិរាជវាលស្មៅ Ganzberg Cup ២០១៩ សប្ដាហ៍ទី១៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
