រំភើបជំនួស! ម៉ាដូណា គ្រោងចង់ចូលរោងជ័យរៀបការ ជាមួយគូស្នេហ៍ភេទដូចគ្នា!

ភ្នំពេញ៖ តារាពហុជំនាញលោកម៉ាដូណា បានចាប់ដៃគ្នាសាងសុភមង្គល ជាមួយនឹងគូស្នេហ៍ភេទដូចគ្នាអស់រយៈពេលជាច្រើនឆ្នាំ ដោយពួកគេបានចាប់ដៃគ្នារស់នៅ ស្រលាញ់គ្នាយ៉ាងអស់ពីចិត្ត ខំធ្វើការ និងរកលុយជាមួយគ្នាយ៉ាងគួរឲ្យសរសើរបំផុត។

យ៉ាងណាមិញទោះបីជាគូស្នេហ៍ភេទដូចគ្នាមួយគូនេះ ធ្លាប់ឈ្លោះគ្នាយ៉ាងណាក្តី ក៏ប៉ុន្តែពួកគេនៅតែមិនអាចចោលគ្នាបាន ថែមទាំងស្រឡាញ់គ្នាកាន់តែខ្លាំងឡើង ក្រោយបានត្រូវរូវគ្នាវិញ។ ជាក់ស្តែង កាលពីពេលថ្មីៗនេះ តារាប្រុសរូបនេះ ក៏បានធ្វើការបង្ហោះសារដ៏ខ្លី មានអត្ថន័យយ៉ាងជ្រៅមួយ ជាសាធារណៈ ធ្វើឲ្យមហាជនជាច្រើននាំគ្នារំភើបគ្រប់គ្នាតែម្តង។

ដោយក្នុងនោះលោក បានបញ្ជាក់ថាគ្រោងនឹងចង់រៀបការ ជាមួយនឹងគូស្នេហ៍របស់ខ្លួន ដែលមិនទាន់កំណត់ថ្ងៃ និងពេលវេលាមួយណាឲ្យច្បាស់នោះទេ។ ក៏ប៉ុន្តែនៅក្នុងនោះលោកបាន បន្ថែមថា៖ «បងតែម្នាក់ដែលខ្ញុំអាចរស់នៅនឹងចង់រៀបការជាមួយម្នាក់នោះគឺហេង(ឈ្មោះគូស្នេហ៍លោក)»។

ក្រោយពីបានឃើញបែបនេះ មហាជនជាច្រើនពិតជារំភើបជំនួសពួកគេ ដែលតស៊ូស្រលាញ់គ្នា និងស្មោះនឹងគ្នាយ៉ាងខ្លាំងបែបនេះ មិនត្រឹមតែប៉ុណ្ណោះ អ្នកគាំទ្រជាច្រើនក៏បានចូលរួមអបអរដល់ពួកគេផងដែរ៕

សូមទស្សនារូបភាពខាងក្រោមនេះ៖ 

• ម៉ា ដូណា
• តារាខ្មែរ