ភ្នំពេញ៖ បច្ចុប្បន្នទោះបីជាតារាស្រីដ៏មានប្រជាប្រិយភាព កញ្ញាដេននី ក្វាន់ ហាក់ដូចជាស្ងាត់ពីសិល្បៈក៏ពិតមែន ក៏ប៉ុន្តែនាងក៏ត្រូវបានមហាជនជាច្រើន ទទួលបានការចាប់អារម្មណ៍ខ្លាំង ទៅលើរូបសម្រស់ ក៏ដូចជាជីវិតឯកជន ដ៏ហាយសូររបស់នាង។
តាមរយៈការខិតខំប្រឹងប្រែង រកស៊ី បើកជំនួញផ្ទាល់ខ្លួនទាំងលំបាក និងហត់នឿយ ខណៈពេលដែលមានមនុស្សមួយចំនួន បាននាំគ្នាដៀលនាងថាក្រ កាលពីប៉ុន្មានឆ្នាំមុននេះ។ ក្រោយពីលឺសម្តីបែបនេះ តារាស្រីរូបនេះ ក៏បានខិតខំរហូតមកដល់បច្ចុប្បន្ន ជាមួយនឹងការបង្ហាញ ម៉ូតែលផ្ទាល់ខ្លួនមួយ យ៉ាងស្រស់ស្អាត និងធំខ្លាំង។
ដោយក្នុងនោះនាង ក៏បានធ្វើការរៀបរាប់បន្ថែមថា៖«មនុស្សដូចខ្ញុំគេដៀលថាអន់ គេថាខ្ញុំក្រត្រូវហើយ ព្រោះខ្ញុំគ្មានលទ្ធភាពឯណាទៅទិញពេជ្រតម្លៃរាប់ម៉ឺនដុល្លារ ទិញឡាន៥៧០តម្លៃថ្លៃៗដូចគេទេ សម្រាប់ខ្ញុំគឺមានលទ្ធភាពត្រឹមបើក ម៉ូតែលផ្ទាល់ខ្លួននៅខេត្តដែលជាលុយចេញពីកម្លាំងញើសឈាមផ្ទាល់មិនបានទៅពឹងផ្អែកលើនរណាម្នាក់...សម្រាប់ ដេនីខ្វាន់គឺរស់នៅក្នុងភាពជាការពិត មិនមែនក្លែងក្លាយ ក្រដឹងក្រ មានដឹងមាន អរគុណសម្រាប់ការមើលងាយ ព្រោះតែពាក្យមើលងាយរបស់អ្នកនឹងហើយដែលធ្វើឲ្យខ្ញុំមានថ្ងៃនេះ!!!»។
ក្រោយពីបានឃើញគំរូ ការធ្វើម៉ូតែលផ្ទាល់ខ្លួន ដ៏ស្រស់ស្អាត ការរចនាឡើងពោរពេញដោយឈើ គួរឲ្យចង់រស់នៅរបស់តារារូបនេះ អ្នកគាំទ្រជាច្រើនក៏សរសើរដល់រូបនាង ដែលជាស្រ្តីម្នាក់តស៊ូខ្ពស់នៅក្នុងការខិតខំ ដើម្បីសម្រេចបំណងរបស់ខ្លួនយ៉ាងដូច្នោះ៕
សូមទស្សនារូបភាពខាងក្រោមនេះ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]