ខេត្តឧត្តរមានជ័យ ៖ បុរសម្នាក់បានស្លាប់បាត់បង់ជីវិតភ្លាមៗ ខណៈបុរសរូបនេះបានយកត្រីក្រាញ់ទៅខាំនឹងមាត់ បង្កឱ្យមានការភ្ញាក់ផ្អើលកាលពីម៉ោង៤រសៀលថ្ងៃទី១៦ ខែមីនា ឆ្នាំ២០១៩ នៅចំណុចទំនុបតាអុន ស្ថិតនៅខាងជើងភូមិមនោរម្យ ឃុំគោកខ្ពស់ ស្រុកបន្ទាយអម្ពឹល ។ ជនរងគ្រោះមានឈ្មោះបឿន រីន ភេទប្រុស អាយុ២៨ឆ្នាំ រស់នៅភូមិ-ឃុំកើតហេតុខាងលើ។
បើតាមប៉ូលិសស្រុកបន្ទាយអម្ពឹលបានឱ្យដឹងថា មុនពេលកើតហេតុ ជនរងគ្រោះបានចាកចេញពីផ្ទះទៅរកបាចទឹកនៅតាមប្រឡាយទំនុបតាអុន លុះពេលទឹករីងក៏ឃើញត្រីក្រាញ់បានស្ទុះទៅចាប់យកមកខាំនឹងមាត់ ខណៈនោះត្រីក្រាញ់បានរើបំរះរុលចូលទៅក្នុងបំពង់ក បណ្តាលឱ្យជនរងគ្រោះប្រកាច់ដាច់ខ្យល់ស្លាប់បាត់បង់ជីវិតភ្លាមៗ ដោយមិនអាចនាំទៅធ្វើការសង្គ្រោះបាន។
ប៉ូលិសដដែលបានបន្តថា ក្រោយពីបានទទួលបានព័ត៌មានរាយការណ៍ពីក្រុមគ្រួសារជនរងគ្រោះរួចមក សមត្ថកិច្ចបានចុះទៅដល់ចំណុចកើតហេតុធ្វើការពិនិត្យឃើញថា ជនរងគ្រោះពិតជាបានស្លាប់ដោយសារតែយកត្រីក្រាញ់ទៅខាំ ហើយត្រូវបានត្រីរុលចូលបំពង់កស្លាប់បាត់បង់ជីវិតមែន ក្រោយមកសមត្ថកិច្ចបានប្រគល់សពជនរងគ្រោះទៅឱ្យក្រុមគ្រួសារយកទៅធ្វើបុណ្យតាមប្រពៃណី៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
