សម្តេចតេជោ ហ៊ុន សែន សរសើរ ឱក សុគន្ធកញ្ញា ព្រោះសម្លេងដ៏ពីរោះ ច្រៀងក្នុងបទ «ស្ពាន សាងស្នេហ៍» (មានវីដេអូ)

ភ្នំពេញ៖ ទម្រាំសាងកេរ្តិ៍ឈ្មោះ ល្បីល្បាញមកទល់នឹងពេលនេះ ឃើញថាកំពូលតារាចម្រៀងកញ្ញាឱក សុគន្ធកញ្ញា ខិតខំប្រឹងប្រែងយ៉ាងខ្លាំង នៅក្នុងការងារសិល្បៈមិនថាយប់ ឬថ្ងៃ លើសពីនេះ រាល់ការបញ្ចេញសមត្ថភាពសម្លេងរបស់នាង ត្រូវបានមហាជនជាច្រើន បាននាំគ្នាសរសើរគ្រប់គ្នាតែម្តង។

ជាក់ស្តែង កាលពីពេលថ្មីៗនេះដែរ តារាចម្រៀងស្រីស្រស់រូបនេះ បានលេចមុខច្រៀងនៅក្នុងកម្មវិធី «ចម្រៀងគ្រួសារខ្មែរ» ដោយបានលើកនូវបទចម្រៀងជំនាន់មុន ជាច្រើនមកច្រៀង។ ដោយក្នុងនោះ នាងបានលើកនូវបទ«ស្ពានសាងស្នេហ៍»ដែលច្រៀងយ៉ាងពីរោះ និងទទួលបានការសរសើរ ពីសំណាក់អ្នកទស្សនាជាច្រើន។

តែអ្វីដែលគួរឲ្យចាប់អារម្មណ៍នោះគឺ នៅក្នុងនោះ សម្តេចតេជោ ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា បានលេចនូវពាក្យពេចន៍សរសើរដ៏មានន័យ ទៅកាន់តារាស្រីរូបនេះយ៉ាងដូច្នោះថា៖«កញ្ញាកូនច្រៀងបានពីរោះណាស់ សុំសរសើរកូនស្រី»។

ក្រោយពីបានឃើញបែបនេះ តារារូបនេះ ពិតជារំភើប និងអរគុណយ៉ាងខ្លាំងដល់សម្តេច ដែលបានសរសើរ និងលើកទឹកចិត្តដល់រូបនាង នៅក្នុងការច្រៀងចម្រៀងបែបនេះជាលើកដំបូង៕

សូមទស្សនាវីដេអូខាងក្រោមនេះ ដើម្បីជ្រាបច្បាស់៖ 

• ឱក សុគន្ធកញ្ញា
• វីដេអូ
• តារាខ្មែរ