សិង្ហក្រហម ឬនាគខៀវ? ជំនួបដ៏កក្រើកសប្តាហ៍ដំបូងរវាងក្លិបភ្នំពេញក្រោន និងក្លិបបឹងកេត នាថ្ងៃស្អែកនេះ

ភ្នំពេញ៖ ការប្រកួតដ៏កក្រើកនៃពានរង្វាន់លីគកំពូលកម្ពុជា ឆ្នាំ ២០១៩ បានត្រឡប់មកវិញហើយសម្រាប់រដូវកាលថ្មីនេះ។ អ្វីដែលគួរឱ្យជក់ចិត្តបំផុតសម្រាប់ការបើករដូវកាលថ្មីនៃពានរង្វាន់លីគកំពូលនារដូវកាលនេះ គឺជាជំនួបដ៏ជក់ចិត្តរវាងក្រុមភ្នំពេញក្រោន និងក្រុមបឹងកេត។ 

ក្លិបភ្នំពេញក្រោន និងក្លិបបឹងកេត ត្រូវបានអ្នកគាំទ្របាល់ទាត់នៅកម្ពុជា ចាត់ទុកជាគូជក់ចិត្តជាងគេបង្អស់រាល់ពេលជួបគ្នាម្តងៗ ឬអាចនិយាយបានថាគឺជាគូ El Clasico នៅកម្ពុជា។ ដោយឡែកនារដូវកាលថ្មីនេះ គណៈកម្មការប្រកួតបាល់ទាត់ជាតិកម្ពុជា បានរៀបចំជំនួបដ៏កក្រើកនេះនាសប្តាហ៍ដំបូងតែម្តង ពោលគឺការប្រកួតនេះនឹងរៀបចំឡើងនាថ្ងៃសៅរ៍ ទី១៦ ខែមីនានេះ នៅទឹកដីកីឡដ្ឋាន RSN របស់ក្លិបភ្នំពេញក្រោន។

សម្រាប់ការប្រកួតដ៏ជក់ចិត្តនេះ ប្រិយមិត្តទាំងអស់អាចអញ្ជើញទៅទស្សនាផ្ទាល់នៅកីឡដ្ឋានបាន ឬក៏អាចតាមដានទស្សនាតាមរយៈទំព័រហ្វេសប៊ុកផ្លូវការរបស់គណៈកម្មការប្រកួតបាល់ទាត់ជាតិកម្ពុជា(CNCC)បានផងដែរ។ 

ដោយឡែកក្រៅពីការប្រកួតដ៏ជក់ចិត្តនេះ ក៏នៅមានការប្រកួតចំនួន ៦គូផ្សេងទៀត ដែលប្រិយមិត្តអាចពិនិត្យមើលកាលវិភាគ និងទីតាំងប្រកួតនៅរូបភាពខាងក្រោមនេះ។ លីគខ្លាំង! ជម្រើសជាតិខ្លាំង!