(ភ្នំពេញ)៖ «កន្តឿ» គឺជាចម្រៀងថ្មីមួយបទ របស់កំពូលតារាចម្រៀងប្រចាំផលិតកម្មហង្សមាស លោក ណុប បាយ៉ារិទ្ធ ដែលកំពុងទទួលបានការចាប់អារម្មណ៍ច្រើន ពីសំណាក់ទស្សនិកជន ខណៈបទនេះ ចេញមិនទាន់បាន២ថ្ងៃស្រួលបួលផង ក៏ស្រាប់តែមានអ្នកចូលស្តាប់យ៉ាងច្រើនក្នុងយូធូប។ ចំណុចពិសេស នៃបទនេះ គឺក្រៅពីដឹកដមសំនៀងរបស់ លោក ណុប បាយ៉ារិទ្ធ ពីរោះហើយនោះ ងាកមកអត្ថន័យវិញ គឺទាក់ទាញខ្លាំង ពោលគឺបាច់ចំៗតែម្តង ដល់អ្នកដែលមានកម្ពស់មិនសូវបាន។

បទចម្រៀងថ្មី ចំណងជើងថា «កន្តឿ» ដែលច្រៀងដោយ លោក ណុប បាយ៉ារិទ្ធ គឺជាប្រភេទចម្រៀងបែចង្វាក់កន្ត្រាក់អារម្មណ៍រាំលេងសប្បាយ ត្រូវបានមហាជនមើលឃើញថា ទទួលបានសន្ទុះនៃការគាំទ្រខ្លាំង គួរឱ្យកត់សម្គាល់ ទាំងអត្ថន័យចាក់ដោតខ្លាំង ដល់អ្នកដែលមានកម្ពស់មិនសូវបាន និងសាច់ភ្លេចទាក់ទាញ ធ្វើឱ្យទស្សនិកជនមួយចំនួន គ្រាន់តែឮបទនេះហើយ ចង់តែឡើងរាំ។

លោក ណុប បាយ៉ារិទ្ធ តារាចម្រៀងប្រុសមួយរូប ដែលទស្សនិកជនដឹងថា មានបទពិសោធន៍ច្រើនក្នុងវិស័យសិល្បៈ ខណៈលោកបានប្រឡូកក្នុងវិស័យនេះ ជាង២០ឆ្នាំ មកហើយ។ រហូតមកទល់នឹងបច្ចុប្បន្នតារារូបនេះ នៅតែអាចរក្សារបាននូវប្រជាប្រិយភាពដដែល ទោះបីជាមានតារាជំនាន់ក្រោយមកច្រើនក៏ពិតមែន។ តាមរយៈសមត្ថភាព និងបទពិសោធន៍ ដែលលោកមាន បានធ្វើឲ្យតារាប្រុសរូបនេះ ក្តោបក្តាប់តំណែង​ជាតារាកំពូលមួយរូបថែមទាំង លេចមុខសឹងគ្រប់កម្មវិធីប្រឡងចម្រៀងលំដាប់ពិភពលោកជាច្រើនផងដែរ៕

ណុប បាយ៉ារិទ្ធ
ណុប បាយ៉ារិទ្ធ
ណុប បាយ៉ារិទ្ធ
រូបភាព

ប្រភព : freshnews

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ណុប បាយ៉ារិទ្ធ