កូរ៉េខាងត្បូង៖ ដូចដែរលោកអ្នកជ្រាបរួចមកហើយថា ក្រុមចម្រៀងបុរសដ៏ល្បី WannaOne ត្រូវបានរំសាយក្រុមកាលពីដើមឆ្នាំ២០១៩នេះ។ ក្រោយពីរំសាយសមាជិកនៅក្នុងក្រុមទាំងអស់បានចែកផ្លូវគ្នានិងចាប់យកអាជីពផ្សេងៗ ដូចជាទៅធ្វើជាអ្នកចម្រៀងទោល ឬតារាសម្តែងជាដើម។
ជាក់ស្តែង Ha Sungwoon សមាជិកមួយរូប នៅក្នុងអតីតក្រុមចម្រៀងបុរស WannaOne បានធ្វើរឿងដ៏រំភើបមួយ ដោយលោក បានទទួលពានរង្វាន់ជាលើកដំបូងសម្រាប់បទចម្រៀងទោលមានចំណងជើងថា «BIRD» ដែលបានចេញកាលពីថ្ងៃទី២៨ ខែកុម្ភៈកន្លងមក។
ដោយកាលពីថ្ងៃទី១៣ ខែមិនានេះ Ha Sungwoon បានសម្តែងចម្រៀងរបស់ខ្លួននៅក្នុងកម្មវិធី Show Champion ហើយអ្វីកាន់តែពិសេស ជាងនេះទៅទៀត គឺលោកបានទទួលបានពានរង្វាន់លេខ១ ដោយមានការប្រកួតជាមួយក្រុមចម្រៀងល្បីៗជាច្រើនដូចជា MONSTA X, (G)I-DLE, ITZY និង TXT។
ទាំងនេះបានសម្តែងឲ្យឃើញថា Ha Sungwoon នៅតែមានប្រជាប្រិយភាពយ៉ាងខ្លាំង ពីសំណាក់អ្នកគាំទ្រ ទោះបីជាគេបានក្លាយខ្លួន ជាតារាចម្រៀងទោលក្រោយពីក្រុមបានរំសាយក៏ដោយ៕
ទស្សនារូបភាព និងវីដេអូខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]