កូរ៉េខាងត្បូង៖ បើទោះបីជាពេលនេះផលិតកម្ម YG កំពុងតែមានរឿងច្របូកច្របល់យ៉ាងណាក្តី ប៉ុន្តែរឿងទាំងនេះមិនបានធ្វើឲ្យរង្គោះរង្គើ ដល់ប្រជាប្រិយភាពរបស់ ក្រុមចម្រៀងនារីល្បីឈ្មោះ BLACKPINK អ្វីបន្តិចឡើយ ពោលគឺBLACKPINK នៅតែរក្សាតំណែងជាតារាចម្រៀងកំពូល និងបន្តការបំបែកកំណត់ត្រាថ្មីៗរបស់ខ្លួនជានិច្ច។
ជាក់ស្តែង ថ្មីៗនេះ BLACKPINK ក៏ទើបតែបំបែកកំណត់ត្រាថ្មីចំនួន២ផ្សេងទៀត ទាំងដែលពួកគេមានបទចម្រៀងត្រឹមតែ៩បទ និងគ្មានដំណឹងComeback ចេញបទថ្មី ច្បាស់ការណ៍មួយណា យ៉ាងពិតប្រាកដនៅឡើយក៏ដោយ។
ជាការពិតណាស់ ការបំបែកកំណត់ត្រាថ្មីដែលBLACKPINK ទើបតែទទួលបាននេះ មានដូចជា៖
កំណត់ត្រាទី១: BLACKPINK បានក្លាយជាក្រុមតារាចម្រៀងកូរ៉េស្រីដំបូងបង្អស់ ដែលទទួលបានការ stream ឬទទួលចំនួនអ្នកចូលស្តាប់ចម្រៀងរបស់ពួកគេ លើសពី ១,០០០,០០០,០០០ (១ពាន់លាន)ដង នៅលើ Spotify។
កំណត់ត្រាទី២: ឥឡូវនេះ BLACKPINK ក៏បានក្លាយជាក្រុមតារាចម្រៀងKpopស្រីដំបូងបង្អស់ និងជាតារាចម្រៀងស្រីទី៧ នៅក្នុងប្រវត្តិសាស្ត្រ ដែលមានចំនួនអ្នកSubscribe ជាង២០លាននាក់ នៅក្នុងគណនី Youtube ផងដែរ។
ទន្ទឹមនឹងកំណត់ត្រាថ្មីៗបន្តកើនឡើងជាបន្តបន្ទាប់នេះ អ្នកគាំទ្រក៏នៅទាន់អស់ចិត្ត និងទទូចចង់ឲ្យខាងផលិតកម្ម YG ប្រកាសដំណឹងComeback របស់ BLACKPINK ក្នុងពេលឆាប់ខាងមុខនេះផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]