ភ្នំពេញ៖ ប្រិយមិត្តជាច្រើនប្រាកដជាបានជ្រាបហើយថា តារាចម្រៀងដ៏មានប្រជាប្រិយភាពលោកខេមរៈ សិរីមន្ត កំពុងតែជួបទុក្ខជាទម្ងន់ ស្របពេលដែលប្អូនស្រីស្រលាញ់ស្មើជីវិត ត្រូវបានលាចាកលោកនេះ គ្មានថៃ្ងត្រឡប់ កាលពីពេលកន្លងទៅនេះ។
ដំណឹងមួយនេះ បានធ្វើឲ្យតារាដ៏ល្បីរូបនេះ បានប្រកាសជាសាធារណៈថាលោកនឹងផ្អាក ពីសិល្បៈ និងមិនទទួលការងារធ្វើមួយរយៈពេលសិន ដើម្បីធ្វើការកាន់ទុក្ខប្អូនស្រីជាទីស្រលាញ់របស់ខ្លូន ហើយក៏យកពេលវេលាដើម្បធ្វើការ ថែរក្សាសុខភាពខ្លួនឯងបន្ថែមផងដែរ។
ជាក់ស្តែងកាលពីពេលកន្លងទៅនេះ តារារូបនេះបានធ្វើការLive វីដេអូ ហាត់ប្រាណ ក៏ប៉ុន្តែនៅក្នុងនោះត្រូវបានគេចាប់អារម្មណ៍ថា មហាជនជាច្រើន បាននាំគ្នាសួរនាំដល់លោក និងចង់ដឹងថានៅពេលណាដែលលោកវិលចូលសិល្បៈវិញ។ ទន្ទឹមនឹងនេះដែរ លោកក៏បានឆ្លើយតបទៅកាន់អ្នកគាំទ្រភ្លាមៗ ថានៅខែឧសភា ខាងមុខនេះ លោកនឹងទទួលការងារតាមធម្មតាវិញហើយ។
មិនត្រឹមតែប៉ុណ្ណោះ លោក ក៏បានធ្វើការបកស្រាយថា បទចម្រៀងចូលឆ្នាំដែលចេញកាលពីពេលថ្មីៗនេះ គឺលោកបានថតទុក មុនពេលកើតរឿងអាក្រក់នេះមកម្ល៉េះ។ ដូច្នោះហើយបទចម្រៀងនេះគឺមិនបានចេញMV នោះទេ ហើយលោកក៏បានធ្វើការអរគុណដល់មហាជន ដែលបានព្រួយបារម្ភលើលោកផងដែរ៕
សូមទស្សនាវីដេអូខាងក្រោមនេះ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]