រំភើបចិត្តពេក! នាយសាន ម៉ៅ បានត្រឹមសម្រក់ទឹកភ្នែក ព្រោះនិយាយមិនបាន ពេលឃើញអ្នកសិល្បៈ ទៅសួរសុខទុក្ខ (មានវីដេអូ)

ភ្នំពេញ៖ មកទល់នឹងពេលនេះឃើញថាស្ថានភាពជំងឺរបស់ តារាកំប្លែងដ៏មានប្រជាប្រិយភាព នាយសានម៉ៅ ហាក់ដូចជាបានធូរស្បើយពីជំងឺបន្តិចហើយ ក៏ប៉ុន្តែលោកនៅតែមិនទាន់ និយាយបាន ខណៈពេលដែលបំពង់.កត្រូវបានចោះ ដើម្បីងាយស្រួលឲ្យលោកក្នុងការដកដង្ហើម។

ជាក់ស្តែងកាលពីពេលថ្មីៗនេះ តារាស្រីប្រធានសមាគមសិល្បៈអ្នកនាង ចនច័ន្ទ លក្ខិណា បាននាំកញ្ញាយិន ស្រីពៅ ដែលត្រូវមន្ត្រីម្នាក់បានធ្វើការទះកំផ្លៀងកាលពីកន្លងទៅនេះ បានយកថវិកាសំណងមួយចំនួន ទៅជូនតារាជើងចាស់ នាយសានម៉ៅ និងនាយក្តិប។

តែអ្វីដែលគួរឲ្យសង្វេគខ្លាំងនោះគឺ តារាកំប្លែងនាយសានម៉ៅ រំភើបចិត្តយ៉ាងខ្លាំង នៅពេលដែលឃើញទង្វើដ៏ល្អរបស់មិត្តរួមសិល្បៈ ក៏ស្រក់ទឹកភ្នែកនៅចំពោះមុខតារាស្រីរូបនេះ ជាច្រើនដង ខណៈពេលដែលស្ថានភាពរបស់ខ្លួនពេលនេះ មិនអាចនឹងនិយាយបាន បានត្រឹមតែកាយវិការប៉ុណ្ណោះ។

ក្រោយពីបានឃើញបែបនេះ មហាជនជាច្រើនពិតជាអាណិតដល់រូបលោកយ៉ាងខ្លាំង ដែលមកត្រូវជួបបញ្ហាបែបនេះ មិនត្រឹមតែប៉ុណ្ណោះអ្នកគាំទ្រជាច្រើនក៏បានលើកទឹកចិត្ត និងជូនពរលោកឲ្យឆាប់ជាសះស្បើយផងដែរ៕

សូមទស្សនាវីដេអូខាងក្រោមនេះ ដើម្បីជ្រាបច្បាស់៖  

• នាយសាន ម៉ៅ
• វីដេអូ
• តារាខ្មែរ