ភ្នំពេញ៖ ដើម្បីឈរជើងខ្លាំងក្នុងវិស័យការ៉េម និងបង្អែមក្នុងទីផ្សារកម្ពុជា ហាងការ៉េម ស្វិន សិន តែងតែបានផ្ដល់ជូនផលិតផលថ្មីៗ និងខុសប្លែកជាងរាល់ដង ជាក់ស្ដែងដូចជាថ្មីៗនេះ ជាពិសេសក្នុងឆ្នាំ ២០១៩ នេះ ហាងការ៉េម ស្វិន សិន បានណែនាំនូវផលិតផលថ្មីសន្លាងចំនួនពីរមុខដូចជា ការ៉េមខ្ទះក្ដៅ និងចុងក្រោយគេនេះជាប្រភេទការ៉េមនំបុ័ង សម្រាប់ប្រជាជនកម្ពុជាយើង។
ការពាំនាំនូវបទពិសោធន៍ថ្មីៗជូនប្រជាជនកម្ពុជាក្នុងយុគសម័យទំនើបនេះ គឺជាគោលជំហរ និងគោលការណ៍ថ្មីមួយរបស់ហាងការ៉េម ស្វិន សិន នេះបើតាមឲ្យដឹងពីអ្នកនាង ថា សុខាវត្តី ជាប្រធានគ្រប់គ្រងទូទៅរបស់ហាងការ៉េម ស្វិន សិន ប្រចាំប្រទេសកម្ពុជា។ អ្នកនាងបន្ដថា ក្រៅពីផ្ដល់ជូនសេវាកម្មបំពេញចិត្តរបស់អតិថិជន ១០០% យើងក៏ពង្រឹងនូវស្ដង់ដាផលិតផល និងផ្ដល់ជូននូវផលិតផលការ៉េមថ្មីៗជាច្រើន សម្រាប់ជាបទពិសោធន៍ថ្មីដល់អ្នកអតិថិជនរបស់យើង។
ជាឧទារហណ៍ស្រាប់ក្នុងឆ្នាំ ២០១៩ ហាងការ៉េម សិ្វន សិន បានណែនាំការ៉េមខ្ទះក្ដៅដែលជាប្រភេទការ៉េមថ្មីសន្លាងតែម្ដងសម្រាប់ប្រទេសកម្ពុជា ដែលហាងការ៉េមម៉ាកដទៃពុំទាន់មាននូវឡើយ ហើយថ្មីនេះយើងមានការ៉េមថ្មីមួយទៀតហៅថា ការ៉េមនំបុ័ង ដែលជាប្រជាជនពេញនិយមញុំានៅប្រភេទមួយនេះ ប៉ុន្ដែអ្វីដែលការ៉េមនេះពិសេសជាងការ៉េមនំបុ័ងធម្មតា គឺត្រង់វាមានទឺកសស់ស្រោចពីលើ និងបង្កប់ក្នុងនំបុ័ងតែម្ដង ដែលធ្វើឲ្យរសជាតិប្លែកជាប់មាត់តែម្ដង។ ក្រៅពីនេះ យើងក៏មានការ៉េមថ្មីទៅតាមរដូវកាលផ្លែឈើនីមួយៗទៀតផង ដូចឥឡូវនេះយើងមានការ៉េមស្រ្ដរប៊ែរីស្រស់ ដែលមានក្នុងកំឡុងពេលស្រ្ដរប៊ែរីស្រស់តែប៉ុណ្ណោះ។
គួរបញ្ជាក់ផងដែរថា ហាងការ៉េម សិ្វន សិន គឺម៉ាកផលិតផលផលដ៏ល្បីឈ្មោះពីសហរដ្ឋអាមេរិក ហើយបានឈរជើងក្នុងទីផ្សារកម្ពុជាតាំងពី ២០០៧ មកម៉្លេះ ដែលសព្វថ្ងៃហាងការ៉េម ស្វិន សិន កំពុងតែពេញនិយមខ្លាំងសម្រាប់ក្មេងៗ យុវវ័យគ្រាប់ស្រទាប់វណ្ណៈទាំងអស់។ ហាងការ៉េម ស្វិន សិន មាន ៨ សាខាដូចជា នៅផ្សារទំនើប អ៊ីអនម៉ល ១ និង ២ ផ្សារទំទើបសូរីយា ផ្សារទំនើបសុវណ្ណា ផ្លូវកម្ពុជាក្រោម ខេត្តបាត់ដំបង និងខេត្តសៀមរាបមាននៅ ដឺ ហេរីថេក វ៉ក និងអង្គរត្រេតសេនធឺ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]