ថៃ៖ Tor Thanapob ជាតារាសម្តែងប្រុស និងសមាជិកមួយរូប នៅក្នុងក្រុមចម្រៀងបុរស 9x9 ទទួលបានប្រជាប្រិយភាពខ្លាំងក្នុងស្រទាប់យុវវ័យជាច្រើនទាំងក្នុង និងក្រៅប្រទេស។
ដូចដែលលោកអ្នកបានជ្រាបរូចមកហើយ មួយរយៈនេះមានព័ត៌មានជាច្រើនទាក់ទងនឹងរឿងរ៉ាវបែកបាក់ស្នេហារបស់តារាជាច្រើនរូប។ជាក់ស្តែងដោយយោងតាមបទសម្ភាសន៍មួយ Tor បាននិយាយរៀបរាប់ ពីរឿងរ៉ាវស្នេហារបស់ខ្លួនឯងយ៉ាងដូច្នោះថា៖
« សម្រាប់ស្នេហារបស់ខ្ញុំនិង Meen ពេលនេះគឺល្អធម្មតា ដូចពេលថ្មីៗនេះខ្ញុំមានកម្មវិធី Concert តែគាប់ជួន Meen ត្រូវទៅប្រទេសអង់គ្លេសមិនបានមកមើលផ្ទាល់ទេ តែនាងបានផ្ញើរបាច់ផ្កាមកឲ្យ។ ខ្ញុំធ្លាប់ឃើញព័ត៌មានដែលបាននិយាយថាខ្ញុំបានចែកផ្លូវគ្នាជាមួយ Meen តែខ្ញុំមិនមានអារម្មណ៍អ្វីទេព្រោះជួបច្រើនដងមកហើយ និងគ្មានអ្វីប៉ះពាល់ដល់ស្នេហារបស់ខ្ញុំទេ។ ខ្ញុំនិង Meen ល្អជាមួយគ្នារហូត ទោះបីខ្ញុំមិនមែនជាមនុស្សដែលល្អមួយរយភាគរយ តែខ្ញុំសូមអះអាងថា ស្នេហារបស់ខ្ញុំនិង Meen ជាស្នេហាពិត»។
គួរបញ្ជាក់ផងដែរថា Tor មានទំនាក់ទំនងស្នេហាជាមួយ Meen ដែលជានារីបម្រើការនៅលើយន្តហោះរយៈពេល៨ឆ្នាំហើយ តែភាពផ្អែមល្ហែមនៅតែដូចដើមដដែល៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
