រឿន ណាត គ្រងមកុដMiss Universe ចុះទៅទស្សនកិច្ច សកលវិទ្យាល័យ ពិតជាស្រស់ស្អាតខ្លាំង!

ភ្នំពេញ៖ កាលពីថ្មីៗនេះ ម្ចាស់គ្រងមកុដបវរកញ្ញាចក្រវាឡ Miss Universe កម្ពុជាប្រចាំឆ្នាំ ២០១៨ កញ្ញា រឿន ណាត បានធ្វើដំណើរចុះទៅទស្សនកិច្ច នៅឯសកលវិទ្យាល័យមួយកន្លែងនៅក្នុងទីក្រុងភ្នំពេញ យ៉ាងណាមិញ អាកប្បកិរិយា ក៏ដូចជាអត្តចរិត និងសម្រស់របស់តារាស្រីរូបនេះ ទទួលបានការកោតសរសើរយ៉ាងច្រើន ពីសំណាក់មហាជនផងដែរ។

ជាការពិតណាស់ ការបង្ហាញមុខក្នុងកិច្ចការសង្គមរបស់បវរកញ្ញា រឿន ណាត បានទាក់ទាញក្រសែសិស្សនិស្សិត និងមហាជនមិនសម្លឹងមើលមិនបាន ជាមួយនឹងរូបសម្រស់ពិតៗនៅខាងក្រៅរបស់ បវរកញ្ញាចក្រវាឡឆ្នាំ២០១៨រូបនេះ ដោយនាងបានតុបតែងខ្លួន ជាមួយនឹងឈុតសម្លៀកបំពាក់យ៉ាងស្រស់ស្អាត ថ្លៃថ្នូរ ព្រមជាមួយនឹងការពាក់នូវមកុដតំណាងឲ្យ តំណែងជា Miss Universe ២០១៨ ប្រចាំប្រទេសកម្ពុជាផងដែរ។

មិនតែប៉ុណ្ណោះ ក្នុងនោះកញ្ញា រឿន ណាតក៏បានធ្វើការបង្ហោះចែកចាយនូវរូបភាព បង្ហាញពីសកម្មភាពរបស់នាង ជាមួយនឹងសិស្សនិស្សិតជាច្រើនរូប ខណៈពេលចុះទស្សនកិច្ចនៅឯសកលវិទ្យាល័យនោះផងដែរ៕  

• រឿន ណាត
• តារាខ្មែរ