មិនទៅណាឆ្ងាយ! រៀបការហើយភ្លាម កុល ដាវី និងសុខ រក្សា ដើរលេងនៅក្នុងប្រទេស យ៉ាងមានក្តីសុខ

កំពត៖ ក្រោយពីចាំដៃស្រលាញ់គ្នាអស់រយៈពេលជាច្រើនឆ្នាំ តារាសម្តែងដ៏មានប្រជាប្រិយភាពអ្នកនាងកុល ដាវី និងលោកសុខ រក្សា បានសម្រេចចិត្តចូលរោងការកាលពីពេលថ្មីៗនេះ ដែលមានការចូលរួមអបអរ ក៏ដូចជាសរសើរពីស្នេហា ដែលអ្នកទាំង២បានថែរក្សាជាច្រើនឆ្នាំ។

ក្រោយពីរៀបការរួចបានប៉ុន្មានថ្ងៃ គូស្វាមីភរិយាថ្មីមួយគូនេះ ក៏បានបណ្តើរគ្នាទៅក្រេបទឹកឃ្មុំនៅក្នុងប្រទេស នៅលើទឹកដីខេត្តកំពត ដោយមិនទៅណាឆ្ងាយដូចគូដទៃនោះទេ។ 

នៅក្នុងនោះដែរ ពួកគេក៏បានបង្ហាញនូវភាពផ្អែមល្ហែម ភ្ជាប់ជាមួយសារដ៏ផ្ហែមល្ហែមយ៉ាងដូច្នោះថាមើ៖«មកក្រេបទឹកឃ្មុំក្នុងស្រុក ទេសភាពស្អាតខ្លាំងណាស់ កំពតកំពូលដួងចិត្ត ត្រជាក់ភ្នែក រឹតតែត្រជាក់ដល់បេះដូងទៀតព្រោះមានប្តីសម្លាញ់នៅក្បែរអូនគ្រប់ពេល»។

រាល់រូបភាពដែលពោរពេញដោយស្នាមញញឹម របស់តារាប្រុសស្រីមួយគូនេះ បានធ្វើឲ្យអ្នកគាំទ្រជាច្រើននៅតែពេញចិត្ត និងសរសើរដល់ពួកគេជានិច្ច ដែលខំតស៊ូគ្រប់យ៉ាង មិនចោលគ្នា ទោះមានបញ្ហាអ្វីក៏ដោយ។ មិនត្រឹមតែប៉ុណ្ណោះ អ្នកគាំទ្រក៏បាននាំគ្នាជូនពរដល់ស្វាមីភរិយាថ្មីមួយគូនេះ ឲ្យស្រលាញ់គ្នាដល់ចាស់ និងឆាប់មានកូន ក្រោមចំណងដៃជាមួយគ្នាផងដែរ៕

សូមទស្សនារូបភាពខាងក្រោមនេះ៖ 

• ​កុ​ល​ ​ដាវី​​
• សុខ រក្សា
• តារាខ្មែរ