អុញ! Conor McGregor ត្រូវបានប៉ូលិសឃាត់ខ្លួន ពីបទបំផ្លាញទូរស័ព្ទដៃរបស់អ្នកគាំទ្រម្នាក់!

អាមេរិក៖ នាយកដ្ឋានប៉ូលិស Miami បានឃាត់ខ្លួនកីឡាករប្រដាល់ល្បីល្បាញ Conor McGregor ពាក់ព័ន្ធនឹងករណីបំពាន និងបំផ្លាញទ្រព្យសម្បត្តិរបស់អ្នកដទៃ កាលពីថ្ងៃចន្ទកន្លងទៅ។

យោងតាមរបាយការណ៍របស់ប៉ូលិសបានឱ្យដឹងថា កីឡាករ Conor McGregor ត្រូវបានចោទប្រកាន់ ទះទូរស័ព្ទរបស់អ្នកគាំទ្រម្នាក់ធ្លាក់ចេញពីដៃ និងបានលោតជាន់ពីលើទូរស័ព្ទនោះជាច្រើនដង បន្ទាប់មកបានរើសទូរស័ព្ទនោះមកកាន់នឹងដៃ ហើយដើរចេញទៅបាត់។

ហេតុការណ៍នេះបានកើតឡើងបន្ទាប់ពីអ្នកគាំទ្រម្នាក់នោះ បានព្យាយាមថតរូបរបស់គេនៅខាងក្រៅសណ្ឋាគារ Fontainbleau អំឡុងម៉ោង៥ទាបភ្លឺ (ម៉ោងក្នុងស្រុក)។ Conor McGregor ត្រូវបានប៉ូលិសនាំខ្លួនទៅកាន់ពន្ធនាគារ Miami-Dade នៅយប់នោះភ្លាមៗ ប៉ុន្តែរូបគេបានសម្រេចចិត្តសម្របសម្រួលដោយបានបង់សំណងចំនួន ១២,៥០០$៕