ខេត្តកំពង់ធំ ៖ ក្មេងបីនាក់លង់ទឹកស្លាប់ក្នុងពេលជាមួយគ្នាករណីដ៏អាណោចអាធម្មនេះបានបង្កឲ្យមានការកើតឡើង កាលពីល្ងាចថ្ងៃទី១១ ខែមីនា ឆ្នាំ២០១៩ ស្ថិតនៅភូមិសាលាវិស័យ ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ ។
លោកវរសេនីយឯក ផល ធឿន អធិការនគរបាលស្រុកប្រាសាទបល្ល័ង្កបានប្រាប់កោះសន្តិភាពឲ្យដឹងនៅព្រឹកថ្ងៃទី១២ ខែមីនាថា កុមាររងគ្រោះលង់ទឹកស្រះស្លាប់ទាំងបីនាក់ខាងលើរួមមានទី១-ជនរងគ្រោះឈ្មោះ ឃាង លីទ័រ ភេទប្រុស អាយុ០៣ឆ្នាំ ទី២-ជនរងគ្រោះឈ្មោះ នីន ម៉ាណែត ភេទស្រី អាយុ០៤ឆ្នាំ និងទី៣-ជនរងគ្រោះឈ្មោះ នី គឹមហុង ភេទស្រី អាយុ០៤ឆ្នាំ ជនរងគ្រោះរស់នៅភូមិកើតហេតុខាងលើ ។
លោកអធិការបន្តថា បើយោងតាមការចុះសួរនាំពីកម្លាំងជំនាញរបស់លោកជាមួយនឹងសាច់ញាតិរបស់កុមាររងគ្រោះនិយាយថា នៅចំណោមកុមារទាំងបីនាក់ខាងលើ គឺជាកូនរបស់ប្រជាពលរដ្ឋរស់នៅផ្ទះក្បែរគ្នាក្នុងនោះក្មេងម្នាក់នៅជាមួយម្តាយ ។
ចំណែកកុមារពីរនាក់ទៀតម្តាយឪពុកមិននៅផ្ញើនឹងជីដូន នៅមុនពេលកើតហេតុវេលាម៉ោងប្រហែលជា១៥និង១៥នាទីរសៀលកុមាររងគ្រោះបាននាំគ្នាដើរលេងបាត់អស់រហូតដល់ម៉ោងប្រហែល៥ល្ងាចទើបសាច់ញាតិផ្អើលឆោឡោបាត់កូនបាត់ចៅ និងនាំគ្នាដើរតែរកតែមិនឃើញដើររករហូតដល់មាត់ស្រះទឹកខាងលើ ដោយពិនិត្យឃើញស្នាមជើងនៅមាត់ស្រះក៏នាំគ្នាចុះរាវរកក៏ប្រទះឃើញ និងស្រង់សពយកមកលើគោក ដើម្បីធ្វើចលនាជួយសង្គ្រោះអាយុជីវិត តែអនិច្ចាក្មេងរងគ្រោះទាំងបីនាក់បានដាច់ខ្យល់ស្លាប់បាត់អស់ទៅហើយ ។
មូលហេតុ ចុះលេងទឹកស្រះបណ្តាលឲ្យលង់ស្លាប់ បន្ទាប់ពីកម្លាំងជំនាញពិនិត្យសពរួច ក៏បានប្រគល់ជូនសាច់ញាតិធ្វើបុណ្យតាមប្រពៃណី ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]