បុរសជប៉ុនម្នាក់ធ្វើអាវរូបផ្លូវរថភ្លើង ដើម្បីឲ្យកូនប្រុសគាត់លេង និងម៉ាស្សាឲ្យគាត់ស្របពេលតែមួយ (មានវីដេអូ)

ជប៉ុន៖ លោក Ken Kawamoto គឺជាជនជាតិជប៉ុន មានមុខរបរជាវិស្វករកម្មវិធីម្នាក់ដែលបម្រើការក្នុងក្រុមហ៊ុនបច្ចេកវិទ្យាយក្ស Google ។ ហើយថ្មីៗនេះ លោក Ken បានធ្វើឲ្យមហាជនចាប់អារម្មណ៍នឹងគាត់ខ្លាំងមែនទែន បន្ទាប់ពីពួកគេបានឃើញអាវរូបផ្លូវរថភ្លើងនៅខាងក្រោយខ្នង ដែលលោក Ken បានធ្វើវាឡើងសម្រាប់ឲ្យកូនប្រុសគាត់លេងព្រមទាំងម៉ាស្សាឲ្យគាត់ស្របពេលតែមួយ។ 

លោក Ken បានថតជាវីដេអូឃ្លីបបង្ហោះចូលទៅក្នុងបណ្តាញសង្គម Twitter  ពេលកូនប្រុសគាត់យកកូនរថភ្លើងជ័រ ទៅរុញលេងលើខ្នងប្រៀបដូចជាការម៉ាស្សា ខណៈពេលគាត់កំពុងដេកផ្គាប់មុខនៅលើឥដ្ឋ ។

គាត់បានដាក់ឈ្មោះអាវយឺតនេះថា "អាវយឺតដ៏អស្ចារ្យដែលជួយឱ្យអ្នកទទួលបានការម៉ាស្សាពីកូនតូចៗរបស់អ្នកដោយគ្រាន់តែដេកផ្គាប់មុខលើកម្រាលឥដ្ឋតែប៉ុណ្ណោះ"។

គួរបញ្ជាក់ថា ត្រឹមអាវរូបរថភ្លើងនេះប្រហែលជាមិនទាន់គ្រប់គ្រាន់ទេសម្រាប់លោក Ken ព្រោះកន្លងមកគាត់ក៏ធ្លាប់បានច្នៃអាវជាមួយនឹងក្តារឡើងជញ្ជាំងតូចៗ ដើម្បីឲ្យកូនប្រុសគាត់តោងលេងដែរ។គាត់បានបំពាក់ក្តារឡើងជញ្ជាំងតូចៗនោះពីចង្កេះរហូតដល់ស្មា។

ឥឡូវនេះលោក Ken ក៏បានដាក់លក់អាវទាំងពីរប្រភេទនេះក្នុងប្រព័ន្ធអនឡាញដែរ ដែលក្នុងមួយអាវមានតម្លៃ ២២ដុល្លារ៕

មានវីដេអូនៅខាងក្រោម៖  

以前作った「寝転がってるだけで子供がマッサージしたくなるTシャツ」をきれいに作り直して出品した：https://t.co/o4QXllvo8h　背中にプラレール幅対応のレールが描いてあるので、子供が大喜びでプラレールを走らせてくれます。気持ちいいです。 pic.twitter.com/5wZ8poE5hJ

— Ken Kawamoto（ガリのほう） (@kenkawakenkenke) March 3, 2019