Jayler និយាយពាក្យអរគុណទៅកាន់មិត្តស្រី កណ្តាលឆាកប្រគំតន្រ្តី ធ្វើឲ្យនាងរំភើបរហូតស្រក់ទឹកភ្នែក (មានវីដេអូ)

ថៃ៖ តារាសម្តែងប្រុសវ័យក្មេង Jayler Kritsanapoom ជាតារាដែលឈ្មោះបោះសម្លេងមួយរូបនៅក្នុងស្រទាប់យុវវ័យ ក្រៅពីសម្តែង Jayjay បានចាប់អាជីពថ្មីមួយទៀតដោយលោកបានធ្វើជាតារាចម្រៀងនៅក្នុងក្រុម 9X9 (Nine by Nine)។

គួរបញ្ជាក់ផងដែរថា 9X9 ជាក្រុមចម្រៀងបង្កើតមានសមាជិក៩នាក់ ដែលសុទ្ធសឹងតែជាតារាសម្តែង និងតារាចម្រៀងល្បីឈ្មោះ។

កាលពីថ្ងៃទី០៩ ខែមិនានេះ ក្រុមម្រៀង បានរៀបចំកម្មវិធីប្រគំតន្រ្តីដ៏ធំមួយមានឈ្មោះថា «The Final Concert : End Route» កម្លោះសង្ហាទាំង៩បានធ្វើឲ្យកម្មវិធីបញ្ចប់ទៅយ៉ាងរលូន។

អ្វីដែលកាន់តែពិសេសជាងនេះទៅទៀត Jayler បានធ្វើឲ្យកម្មវិធីប្រគំតន្ត្រីពោរពេញទៅដោយភាពផ្អែមល្ហែម ដោយលោកបានធ្វើឲ្យតារាសម្តែងស្រី Thanaerng Kanyawee ដែលជាមិត្តស្រីរំភើបរហូតស្រក់ទឹកភ្នែក ដោយលោកបាននិយាយអរគុណដែលនាងតែងតែនៅក្បែរ និងផ្តល់កម្លាំងចិត្តដល់លោករហូតមក៕

ទស្សនារូបភាព និងវីដេអូខាងក្រោម៖

• វីដេអូ
• តារាថៃ