រាជធានីភ្នំពេញ៖ យុវជនម្នាក់បានដេកនៅនឹងដីមុខការដ្ឋានក្នុងសភាពសន្លប់បែកពពុះមាត់ ហើយត្រូវបានអ្នកក្បែរខាងប្រទះឃើញ និងហៅរថយន្តសង្គ្រោះមកដឹកយកទៅមន្ទីរពេទ្យដែរ តែជនរងគ្រោះបានស្លាប់បាត់ទៅហើយ បង្កឱ្យមានការភ្ញាក់ផ្អើលកាលពីវេលាម៉ោង៦និង៣០នាទីព្រលប់ថ្ងៃទី៩ ខែមីនា ឆ្នាំ២០១៩ ស្ថិតនៅការដ្ឋានសំណង់កំពុងសាងសង់ តាមផ្លូវបេតុង ក្រុម១ ភូមិព្រៃព្រីងត្បូង២ សង្កាត់ចោមចៅ៣ ខណ្ឌពោធិសែនជ័យ ។
ជនរងគ្រោះដែលស្លាប់ឈ្មោះ នីន ភ័ណ្ឌ ភេទប្រុស អាយុ១៩ឆ្នាំ មុខរបរកម្មករសំណង់ ស្នាក់នៅការដ្ឋានសំណង់ខាងលើ មានស្រុកកំណើតភូមិស្វាយព្រៃ ឃុំសណ្តែក ស្រុកបាធាយ ខេត្តកំពង់ចាម ។
តាមប្រភពពីសាច់ញាតិរបស់ជនរងគ្រោះនៅកន្លែងកើតហេតុបានឲ្យដឹងថា មុនកើតហេតុ គេឃើញជនរងគ្រោះដេកនៅនឹងដីខាងមុខការដ្ឋានក្នុងសភាពសន្លប់បែកពពុះមាត់រួចទៅហើយ មិនដឹងតាំងពីពេលណាមកទេ លុះឃើញសភាពដូច្នោះធ្វើឱ្យផ្អើលទាំងអ្នកក្បែរខាងហៅរថយន្តសង្គ្រោះដើម្បីមកដឹកយកទៅមន្ទីរពេទ្យតែជនរងគ្រោះបានស្លាប់បាត់ទៅហើយ ទើបនាំគ្នារាយការណ៍ប្រាប់សមត្ថកិច្ចចុះមកពិនិត្យ ។
បន្ទាប់ពីពិនិត្យ និងធ្វើកោសល្យវិច្ច័យលើសពជនរងគ្រោះរួចហើយ គ្រូពេទ្យបានរកឃើញថា ជនរងគ្រោះបានស្លាប់ដោយសារគាំងបេះដូង ទើបប្រគល់សពជូនក្រុមគ្រួសារសាច់ញាតិដើម្បីចាត់ចែងដឹកយកទៅធ្វើបុណ្យតាមប្រពៃណីនៅឯស្រុកកំណើត៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]