ភ្នំពេញ៖ កាលពីពេលថ្មីៗនេះនៅថ្ងៃទី ៨-៩ ខែមិនា ក្នុងខេត្តស្វាយរៀងមានការប្រគំតន្ត្រីបែប រ៉ក រ៉ក ដ៏ធំមហិមាមួយដែលបានរៀបចំដោយក្រុមហ៊ុនភេសជ្ជៈប៉ូវកំលាំង ប៊ូសស្ត្រង ស្ថិតនៅទីតាំងវិមានឯករាជ្យ ទីរួមខេត្តស្វាយរៀងបានធ្វើឲ្យគ្រប់ៗគ្នាទទួលបានបទពិសោធន៍ប្លែកអារម្មណ៍ ខុសពីការប្រគំតន្ត្រីដទៃទៀត។
ការប្រគំតន្ត្រីបែបរ៉ក រ៉ក ដ៏ធំមហិមានេះ មានការចូលរួមដោយតារាចម្រៀងល្បីៗជាច្រើនដួងក្រោមការបញ្ចេញក្បាច់រាំតាមបទចម្រៀងជាច្រើនបទធ្វើឲ្យបងប្អូនដែលមកចូលរួមនៅទីតាំងផ្ទាល់យ៉ាងច្រើនកុះករ កាន់តែទទួលបានអារម្មណ៍សប្បាយៗខ្លាំងជាមុន យូរជាងមុន ម្នាក់ៗពោរពេញទៅដោយទឹកមុខញញឹមញញែម ហើយអ្វីដែលគួរឲ្យកត់សម្គាល់នោះគឺ តារាចម្រៀងកញ្ញា ទេព បូព្រឹក្ស បានសម្ដែង Show ប្លែកៗចំនួន៥បទដ៏ចាប់អារម្មណ៍បំផុត ទុកជាកាដូរជូនអ្នកគាំទ្រនៅខេត្តស្វាយរៀងនេះ។
គ្រប់បទចម្រៀងរបស់ ទេព បូព្រឹក្ស សុទ្ធតែជាការសម្តែងបញ្ចេញដោយក្បាច់ពិសេសៗទាំងអស់ជាពិសេសគឺបទ «BAB» ទាំងការច្រៀងទាំងការសម្ដែង ពិតជាមិននឹកស្មានដល់មែន ម្នាក់ៗលាន់មាត់ឈរលោតតាមបទចម្រៀង ចោលអារម្មណ៍សម្លឹងមើលក្បាច់រាំយ៉ាងជក់ចិត្ត។ ខេត្ត ស្វាយរៀង ពិតជាមានការគាំទ្រ ទេព បូព្រឹក្ស ច្រើនមែនទែនកុំថាឡើយច្រៀងយប់ជ្រៅ ក៏នៅតែមានអ្នកគាំទ្រឈរចាំទស្សនាមិនលោះឡើយ។
ជាការពិតណាស់ មហាជនជាច្រើន បានធ្វើការកោតសរសើរការប្រគំតន្ត្រីរ៉ក រ៉កដ៏ធំមហិមារបស់ភេសជ្ជៈប៉ូវកំលាំងប៊ូសស្ត្រងនេះខ្លាំងណាស់ ជាពិសេសគឺកញ្ញាទេព បូព្រឹក្ស និងក្រុមអ្នករាំរបស់កញ្ញា សឹងតែមិននឹកស្មានដល់ថា ពួកគេអាចបញ្ចេញក្បាច់រាំសាហាវៗដូចច្នេះបានសោះ ហើយមានបងប្អូនយើងនៅស្វាយរៀងជាច្រើនបានស្នើសុំឲ្យភេសជ្ជៈប៉ូវកំលាំង ប៊ូសស្ត្រង បង្កើតកម្មវិធីសប្បាយៗដូចនេះនៅឆ្នាំក្រោយៗទៀតកុំបីខាន។
បើតាមការឲ្យដឹងពីក្រុមហ៊ុន ប៊ូសស្ត្រង ថា”ការប្រគំតន្ត្រីបែបរ៉ក រ៉កដ៏ធំមហិមាប្រចាំឆ្នាំនៅស្វាយរៀងនេះពិតជាមានការគាំទ្រច្រើន មិនចាញ់កាលនៅខេត្តត្បូងឃ្មុំសប្ដាហ៍មុនប៉ុន្មានទេ ហើយ BOOSTRONG ROCK ON FIRE នឹងធ្វើដំណើរទៅខេត្តក្រចេះវិញម្ដងហើយនៅសប្ដាហ៍ក្រោយនាថ្ងៃទី ១៥-១៦ខែមិនាខាងមុខនេះ។ ដូចនេះសូមបងប្អូន ដែលនៅខេត្ត ក្រចេះ រង់ចាំទទួលយកភាពសប្បាយៗដ៏មហិមា និងក្រេបរសជាតិដ៏វិសេសវិសាលនៃភេសជ្ជៈប៉ូវកំលាំង ប៊ូសស្ត្រង ព្រមទាំងឈ្នះរង្វាន់ម៉ូតូកាលីបយុវវ័យ Kawasaki ទូរទស្សន៍ Smart TV ជាច្រើនរង្វាន់កុំបីខានណា៎”។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
