ខេត្តកំពត ៖ លំនៅឋានមួយខ្នងសង់អំពីឈើដំបូលប្រក់សង្ក័សីទំហំ៥×១៥ម៉ែត្រ ត្រូវអគ្គិភ័យលេបត្របាក់អស់ទាំងស្រុង កាលពីវេលាម៉ោង១២ និង៣០នាទីថ្ងៃត្រង់ថ្ងៃទី៨ មីនា បង្កឲ្យមានការភ្ញាក់ផ្អើលដល់អ្នកភូមិនិងសមត្ថកិច្ចនគរបាលអន្តរាគមន៍ពន្លត់អគ្គីភ័យស្នងការខេត្តចុះមកជួយអន្តរាគមន៍ពន្លត់ភ្លាមៗ ត្រង់ចំណុចភូមិទ្វីខាងត្បូង សង្កាត់អណ្តូងខ្មែរ ក្រុងកំពត ដែលបង្កឡើងដោយជនបែកថ្នាំ ។
សេចក្តីរាយការណ៍បន្តថា ជនសង្ស័យខាងលើ ឈ្មោះចាន់ សឹង អាយុ២៣ឆ្នាំ មានទីលំនៅកន្លែងកើតហេតុ។ ក្រោយឃាត់ខ្លួន ជនសង្ស័យបានឆ្លើយសារភាពថា ដោយខ្លួនសុំលុយម្តាយមិនបាន ទើបយកសារុងម្តាយទៅដុតចោល ក៏រាលដាលឆេះដល់ផ្ទះតែម្តង ។
សមត្ថកិច្ចឱ្យទៀតថា សម្ភារដែលឆេះមានទូរទស្សន៍១គ្រឿង, កូនធុងបាស់មួយ, ខោអាវម្តាយ និងសម្ភារផ្ទះបាយមួយចំនួនទៀត ។ ក្រោយកើតហេតុ សមត្ថកិច្ចបានស្រាវជ្រាវរហូតដឹងពីមូលហេតុច្បាស់ ដែលបង្កឡើងដោយជនសង្ស័យជាកូនម្ចាស់ផ្ទះនេះ បានបែកថ្នាំរហូតលែងមានសតិ។
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]