ឆ្នាំនេះ Davika និងមិត្តប្រុស រៀបចំពិធីខួបកំណើតឲ្យអ្នកចាត់ការផ្ទាល់ខ្លួន ពិតជាប្លែកភ្នែក ជាមួយការតុបតែងបែបជប៉ុន

ថៃ៖ ជាការពិតណាស់ កាលពីពេលថ្មីៗនេះដែរ គឺជាថ្ងៃដ៏ពិសេសមួយ របស់អ្នកចាត់ការតារាស្រីកញ្ញា Davika ដោយក្នុងនោះឃើញថា បានទទួលការជូនពរជាច្រើន នៅក្នុងបណ្ដាញសង្គម ពីសំណាក់មិត្តសិល្បៈ និងជាពិសេសពីទស្សនិកជនតែម្ដង។

យ៉ាងណាមិញ សម្រាប់ការទទួលស្វាគមន៍ឆ្នាំថ្មីនេះផងដែរ តារាស្រី កញ្ញា Davika និងលោក Ter Chantavit ក៏បានរៀបចំពិធីខួបកំណើតដល់អ្នកចាត់ការខ្លួន ជាលក្ខណៈទ្រង់ទ្រាយមួយចាស់ដៃតែម្ដង ដោយមានអ្នកចូលរួម ជាភ្ញៀវកិត្តិយស សុទ្ធសឹងតែជាមិត្តស្និទ្ធស្នាលរបស់នាងផងដែរ។

លើសពីនេះទៅទៀតនោះ អ្វីដែលធ្វើឲ្យមហាជនរឹតតែមានការចាប់អារម្មណ៍ខ្លាំងនោះគឺ កញ្ញា Davika និងអ្នកចាត់ការ ព្រមទាំងអ្នកដែលចូលរួមទាំងអស់ បាននាំគ្នារៀបចំតុបតែងខ្លួនប្លែកៗ ជាមួយនឹងឈុតប្រពៃណីរបស់ប្រទេសជប៉ុន ដោយនេះពិតជាប្លែក និងស្រស់ស្អាតទាក់ភ្នែកតែម្ដង៕

សូមទស្សនាកម្រងរូបភាពខ្លះៗរបស់ពួកគេ នៅក្នុងកម្មវិធីខួបកំណើត៖ 

• រូបភាព
• តារាថៃ