ភ្នំពេញ៖ កាលពីយប់មិញនេះ លោកឧកញ៉ា ឌួង ឆាយ បានជួបហេតុការណ៍មិនល្អមួយ ដោយរថយន្តដ៏ទំនើបរបស់លោក ម៉ាក Roll Royce ពណ៌ស ត្រូវបានបុកដោយម៉ូតូមួយគ្រឿង ដែលបណ្តាលឲ្យរថយន្តមួយចំហៀងរបស់លោក ត្រូវខូចខាតយ៉ាងខ្លាំង។
យ៉ាងណាមិញ ស្របពេលដែលមានបញ្ហានេះកើតឡើងផងដែរ ស្រាប់តែមហាជនសង្កេតឃើញលោកឧកញ៉ា បង្ហោះសារយ៉ាងច្រើនបង្ហាញពីក្តីសោកស្តាយចំពោះការខូចខាតរថយន្តរបស់ខ្លួន នៅលើផេកផ្លូវការរបស់លោកថា៖ “ខ្ញុំពិតជាមានអារម្មណ៍សោកស្តាយ និងឈឺចាប់បំផុតពេលដែលគេបុកឡានខ្ញុំហើយមិនដឹងកំហុសខ្លួនឯង។ ខ្ញុំនឹងមិនលើកលែងទោសឲ្យមនុស្សដែលមិនស្គាល់ពីកំហុសរបស់ខ្លួនឯង និងមនុស្សត្រូវចាប់ផ្តើមរៀនទទួលលទ្ធផលនៃកំហុសរបស់ខ្លួនឯង ជាពិសេសម៉ូតូបើកបរមិនគោរពច្បាប់ចរាចរណ៍ និងស្មារតីក្រោមជាតិស្រវឹង។ មាសប្រាក់មិនសំខាន់ សំខាន់ឡានខ្ញុំគេឈប់ផលិត និងខ្ញុំមានបំណងទុកជាកេរ្តិ៍ប្រចាំត្រកូលរហូត”។
ទោះជាយ៉ាងណាក្តី ក្រោយពីមានបញ្ហានេះកើតឡើង លោកឧកញ៉ា ពិតជាមានអារម្មណ៍សោកស្តាយខ្លាំងបំផុត ដែលរថយន្តជាទីស្រលាញ់របស់លោក ត្រូវខូចខាត ដោយសារតែមនុស្សជិះម៉ូតូ មិនគោរពច្បាប់ ហើយថែមទាំងសេពគ្រឿងស្រវឹងនៅក្នុងខ្លួនថែមទៀតផង។ ម៉្យាងវិញទៀត លោកឧកញ៉ា បានបញ្ជាក់ថា រូបលោកនឹងមិនលើកលែងចំពោះជនបង្កហេតុនោះទេ៕
តើប្រិយមិត្តយល់យ៉ាងណាដែរ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]