ថៃ៖ ទីបំផុត តារាសម្តែងស្រីគួរឲ្យស្រលាញ់ Mo Monchanok បានសម្រេចចិត្តចុះកិច្ចកុងត្រា ចូលជាតារាសម្តែង ប្រចាំស្ថានីយ៍ទូរទស្សន៍ល្បីឈ្មោះប៉ុស្តិ៍លេខ៣ថៃហើយ តាមមិត្តភក្តិសម្លាញ់របស់នាង គឺតារាសម្តែងស្រីកំពុងមានប្រជាប្រិយភាព Bella Ranee តារាសម្តែងស្រី Bua Nalinthip និង តារាសម្តែងស្រី Preem Ranida។
គួររំឮកផងដែរថា កាលពីដើមឆ្នាំ២០១៨កន្លងទៅ តារាសម្តែងស្រី Mo Monchanok បានសម្រេចចិត្តមិនបន្តកិច្ចកុងត្រាថ្មី ជាមួយនឹងទ្រនំចាស់របស់នាងគឺស្ថានីយ៍ទូរទស្សន៍ប៉ុស្តិ៍ ONE 31 បន្តទៀតឡើយ បន្ទាប់ពីកុងត្រាចាស់បានផុតកំណត់។ បន្ទាប់ពីនេះ នាងក៏នៅបន្តការងារសិល្បៈជាធម្មតា ក្នុងនាមជាតារាសម្តែងឯករាជ្យ រហូតបានមកចុះកុងត្រាជាមួយនឹងប៉ុស្តិ៍លេខ៣ថៃ កាលពីថ្មីៗនេះផងដែរ។
ជាក់ស្តែង កាលពីព្រឹត្តិការណ៍គម្រប់ខួប៤៩ឆ្នាំ របស់ទូរទស្សន៍ប៉ុស្តិ៍លេខ៣ថៃ គេក៏បានចាប់អារម្មណ៍ឃើញ Mo Mochanok ក៏បានបង្ហាញខ្លួនលើក្បួនរថយន្តដឹកសិល្បករជាច្រើនដួងផងដែរ ដោយក្នុងនោះមានដូចជា តារាសម្តែងស្រី Diana Flipo នាង Patricia Good, Kao Supassara និងតារាស្រី Ice Preechaya។
យ៉ាងណាមិញ ក្រោយពីបានចុះកុងត្រាជាមួយនឹងទ្រនំថ្មីមួយនេះ Mo Monchanok ក៏បានលើកឡើងថា ប៉ុស្តិ៍លេខ៣គឺជាប៉ុស្តិ៍ដ៏ល្បីល្បាញមួយ ដែលអាចផ្តល់ឱកាសយ៉ាងច្រើនសម្រាប់នាង ហើយនាងក៏សប្បាយចិត្តដែលបានមកធ្វើការនៅទៅនេះផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
