បុរសឥណ្ឌាម្នាក់ត្រូវសត្វដំរីសង្កត់ដល់ស្លាប់ភ្លាមៗ ក្រោយពីយករំពាត់វាយវាឲ្យក្រាបដើម្បីសំអាតខ្លួនឲ្យវា (មានវីដេអូ)

WARNING: GRAPHIC VIDEO

ឥណ្ឌា៖  បុរសជាអ្នកមើលថែសត្វដំរីម្នាក់ត្រូវស្លាប់ភ្លាមៗនៅនឹងកន្លែងកើតហេតុ ដោយសារត្រូវសត្វដំរីសង្កត់ពីលើ ក្រោយពីគាត់បានយករំពាត់វាយវាឱ្យក្រាបចុះ ក្នុងគោលបំណងចង់លាងសំអាតខ្លួនឱ្យវា។

បុរសរងគ្រោះឈ្មោះ Arun Panikkar អាយុ៤០ឆ្នាំ សព្វថ្ងៃប្រកបមុខរបរជាអ្នកថែទាំសត្វដំរី នៅក្នុងតំបន់ Karappuzha ដែលមានទីតាំងស្ថិតនៅភាគខាងត្បូងនៃប្រទេសឥណ្ឌា។

យោងតាមវីដេអូឃ្លីបមួយថតបានដោយកាមេរ៉ាសុវត្ថិភាពគេឃើញនៅថ្ងៃកើតហេតុ លោក Arun  ព្យាយាមរកវិធីសាស្ត្រធ្វើឲ្យដំរីក្រាបចុះ ដើម្បីតលាងសំអាតខ្លួនឱ្យវា។

សត្វដំរីមិនបានស្តាប់តាមបញ្ជាគាត់ទេ ទើបទ្រាំមិនបានលោក Arun ក៏ទាញរំពាត់វាយដំរីទាំងកំរោល។ លោក Arun បានវាយសត្វដំរីរហូតដល់រអិលដួលខ្លួនឯង។ គ្រាន់តែរអិលដួលភ្លាម សត្វដំរីក៏បានក្រាបមកអង្គុយពីលើក្បាលគាត់មួយទំហឹងតែម្តង។

បុរសម្នាក់ទៀតបានឃើញហេតុការណ៍ពីចម្ងាយបានរត់យ៉ាងប្រញាប់មកជួយសង្រ្គោះជីវិតលោក Arun ដែលកំពុងត្រូវដំរីសង្កត់។  ពេលនោះគាត់បានយកបន្ទះឈើមកដេញសត្វដំរីឲ្យក្រោកឈរឡើងវិញ ហើយនៅទីបំផុតក្លាយជាអាសាបង់ព្រោះលោក Arun បានស្លាប់បាត់បង់ជីវិតបាត់ទៅហើយ៕

មានវីដេអូនៅខាងក្រោម៖

WARNING: GRAPHIC VIDEO

• វីដេអូ