ថៃ៖ តាមរយៈការបង្ហោះវីដេអូVLOG «Pok Gie On The Run» នៅលើគណនីយូធូប កាលពីថ្ងៃទី៣ ខែមីនា កន្លងទៅនេះ បានឲ្យឃើញថា តារាសម្តែងស្រីប្រចាំប៉ុស្តិ៍លេខ៣ថៃ អ្នកនាង Margie Rasri បានធ្វើដំណើរទៅដល់កន្លែងថតកុនរឿងថ្មីរឿង « Thong Aek Mor Yah Tah Chalong» ដែលមានតារាសម្តែងប្រុសស្រីល្បីឈ្មោះ Mario Maurer និង Kimmy Kimberley ជាតួឯកប្រុសស្រី ដើម្បីថតនូវឈុតឆាករបស់ខ្លួន ទាំងដែលខ្លួនកំពុងតែពរពោះជិតគ្រប់ខែ។
ជាក់ស្តែង សម្រាប់ការថតឈុតឆាកនៅក្នុងរឿងកំពុងតែល្បីឈ្មោះមួយនេះផងដែរ Margie Rasri នាងបានដើរតួជានារីកូរ៉េម្នាក់ ដែលត្រូវជាប្អូនស្រីរបស់ តារាប្រុស Nickhun ហើយសាច់រឿងនេះ គឺអ្នកទាំងពីរគឺជាជនជាតិកូរ៉េធ្វើដំណើរមកកាន់ប្រទេស។
គួរបញ្ជាក់ផងដែរថា Margie Rasri នាងមិនបានដើរតួជាតួឯក ឬក៏តួរងសំខាន់អ្វីនោះទេ ប៉ុន្តែនាងសម្តែងជាតួភ្ញៀវកិត្តិយសពិសេស ដោយនាងមានឈុតសម្តែងត្រឹមតែ ៦ទៅ៧ឈុតតែប៉ុណ្ណោះ ដែលវាមិនបានធ្វើឲ្យប៉ះពាល់ដល់សុខភាពនាងនិងកូននោះឡើយ។
មិនតែប៉ុណ្ណោះ នៅក្នុងខ្សែភាពយន្តនេះផងដែរ Margie និង Nickhun ក៏បានស្លៀកពាក់ជាឈុតប្រពៃណីកូរ៉េ ឬគេហៅថា Hanbok ផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]