រាជធានីភ្នំពេញ ៖ ស្ត្រីម្នាក់បានរៀបការជាមួយប្តីជិត១២ឆ្នាំមកហើយ ប្តីលួចមានស្រីថ្មីតាមរកអត់ឃើញ ខឹងពេកឈរយំនៅចិញ្ចើមផ្លូវបង្កឱ្យមានការភ្ញាក់ផ្អើលដល់ប្រជាពលរដ្ឋកាលពីម៉ោង៩និង១០នាទីយប់ ថ្ងៃទី១ ខែមីនា ឆ្នាំ២០១៩ តាមបណ្តោយផ្លូវ R5 នៅចំណុចបឹងកក់ ស្ថិតក្នុងសង្កាត់ស្រះចក ខណ្ឌដូនពេញ ។
តាមសាក្សីឃើញហេតុការណ៍បានឱ្យដឹងថា មុនពេលកើតហេតុ គេបានឃើញស្ត្រីម្នាក់យុ៣៣ឆ្នាំ ស្នាក់នៅខណ្ឌដូនពេញ កំពុងតែឈរយំនៅចិញ្ចើមផ្លូវចូលទៅបឹងកក់ ខណៈនោះមានប្រជាពលរដ្ឋធ្វើដំណើរឆ្លងកាត់តាមផ្លូវនោះ ឃើញចឹងក៏សួរនាំថា «បងស្រីមានរឿងអីបានជាឈរយំចឹង» ។
សាក្សីបន្តទៀតថា ពេលនោះស្រាប់តែគាត់រៀបរាប់ប្រាប់ថា «គាត់មានវិបត្តិផ្លូវចិត្តជាមួយប្តីរបស់គាត់មានឈ្មោះ ហោ ភ័ត្រា អាយុ២៦ឆ្នាំ ស្នាក់នៅជាមួយគ្នាក្នុងខណ្ឌដូនពេញ ហើយបានរៀបការជាមួយគ្នាអស់រយៈពេលជិត១២ឆ្នាំមកហើយ ទើបតែកន្លះខែនេះ ប្តីគាត់លួចមានស្រី ហើយចេញពីផ្ទះដោយយកម៉ូតូស៊ុយសុគីនិចមួយគ្រឿង ពាក់ស្លាកលេខភ្នំពេញ 0268 មិនចាំក្បាលពីមុខនោះទេ ដោយដឹកស្រីកាត់មុខប្រពន្ធថែមទៀត រួមទាំងស៊ីដាច់ម៉ូតូមួយគ្រឿងដែលគាត់បង់រំលួសទើបតែ៤ខែតែប៉ុណ្ណោះ។ មុនពេលដែលកើតហេតុគាត់បាននាំបងប្អូនដើររកប្តី ប៉ុន្តែរកអត់ឃើញក៏ឈរយំតែម្តង ។
ក្រោយពេលកើតហេតុ ជនរងគ្រោះដែលត្រូវជាប្រពន្ធបានទៅដាក់ពាក្យបណ្តឹងនៅប៉ុស្តិ៍ស្រះចក ដើម្បីឱ្យសមត្ថកិច្ចជួយដោះស្រាយ ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]