តារាប្រុសស្រី៦ដួង លើកបទមរតកដើម «អង្គុញកើយបី» ច្រៀងយ៉ាងពីរោះ ក្នុងឈុតប្រពៃណី យ៉ាងសមសួន!(មានវីដេអូ)

ភ្នំពេញ៖ បទចម្រៀងថ្មីៗបានចាប់ផ្តើមចេញជាហូរហែល គួរឲ្យចាប់អារម្មណ៍ ដែលបទខ្លះក៏ទទួលបានការពេញចិត្ត និងទាក់ទាញយ៉ាងខ្លាំងពីបណ្តាអ្នកគាំទ្រ ដើម្បីឲ្យថ្ងៃចូលឆ្នាំខែ្មរដែលប្រព្រឹត្តទៅក្នុងពេលឆាប់ៗនេះ មានភាពសប្បាយរីករាយ ក្នុងការរាំលេងកម្សាន្ត។

មិនត្រឹមតែប៉ុណ្ណោះនៅក្នុងនោះក៏មាន តារាល្បីៗជាច្រើនដួងបាននាំគ្នា មិនភ្លេចបទចម្រៀងពីមុន ដោយធ្វើការលើកយកនូវបទចម្រៀងមរតកដើមដែលពេញនិយមមកច្រៀង ឡើងវិញ។ 

ជាក់ស្តែងកាលពីពេលកន្លងទៅនេះ តារាចម្រៀងប្រុសស្រី៦ដួង បាននាំគ្នារៀបចំច្រៀង ដោយលើកបទ«អង្គុញកើយបី» ដែលជាសំនៀងដើមរបស់លោកតា ស៊ិន ស៊ីសាមុត លោកយាយរស់ សេរីសុទ្ធា និងប៉ែន រ៉ន។

ដោយក្នុងនោះពួកគេ ក៏បានច្រៀងយ៉ាងពីរោះគួរឲ្យសរសើរ ជាមួយនឹងកាយវិការទន់ភ្លន់ ក្នុងសម្លៀកបំពាក់បែបប្រពៃណីយ៉ាងសមសួនសាកសមជានារីខ្មែរបំផុត។ លើសពីនេះ មហាជនជាច្រើនក៏បាននាំគ្នាសរសើរ ពីសមត្ថភាពសម្លេង ក៏ដូចជាការជ្រើសរើសចម្រៀងបែបប្រពៃណីមកច្រៀងឡើងវិញផងដែរ៕ 

វីដេអូពី៖ផេកចំរៀងខ្មែរថ្មីៗ 

សូមទស្សនាវីដេអូខាងក្រោមនេះ៖

• សុវត្ថិឌី ធារិកា
• វីដេអូ
• តារាខ្មែរ