ភ្នំពេញ៖ ដូចដែលប្រិយមិត្តបានស្គាល់រួចមកហើយពីតារាសម្ដែង និងជាពិធីករ ប្រុសដ៏មានប្រជាប្រិយភាព លោក ញ៉ែម សុគន្ធ ជាក់ជាមិនខាន តាមរយៈខ្សែភាពយន្ត ផ្សេងៗនាពេលកន្លងមក មិនថាជារឿង សម័យ ឬ បុរាណនោះទេ សុទ្ធទទួលបានការគាំទ្រពីទស្សនិកជន។
យ៉ាណាមិញ បន្ទាប់ពីតារាសម្ដែងប្រុសដ៏មានប្រជាប្រិយភាព លោក ញ៉ែម សុគន្ធ បានរៀបការរួចមក ឃើញថាមានសុភមង្គលខ្លាំងមែនទែន បើតាមការបង្ហោះរបស់ខ្លួន នាពេលកន្លងមក ។
ជាមួយគ្នានេះដែរ បើទោះបីជាលោក ញ៉ែម សុគន្ធ រស់ក្នុងជីវិតប្ដីប្រពន្ធ ក៏ពិតមែន តែទីផ្សារសិល្បៈ របស់ខ្លួន ហាក់បីជាមានហាងឆេងដដែល មិនចាញ់តារាៗផ្សេងៗឯទៀតនោះទេ។
ជាក់ស្ដែង កាលពីយប់មិញនេះ លោក ក៏បានចូលរួមក្នុងកម្មវិធី ពិធីសម្ពោធរឿងមួយ ដែលនឹងចាក់បញ្ចាំងនៅក្នុងពេលឆាប់នេះ។ បើតាមការ សម្ភាសន៍រវាងលោក ញ៉ែម សុគន្ធ ជាមួយ ខ្មែរឡូត បានឲ្យដឹងថា តារាសម្ដែងប្រុសរូបនេះ នៅមានរឿងជាច្រើនដែលបានចុះកុងត្រាហើយ មិនទាន់បានថតឲ្យ គេ មិនតិចជាង១០រឿង នោះទេ ។
ទាំងនេះបញ្ជាក់ថា លោក ញ៉ែម សុគន្ធ នៅតែមានសន្ទុះទីផ្សារសិល្បៈ មិនអន់ជាងតារាៗដែលរួមជំនាន់គ្នាប៉ុន្មាននោះទេ ទាំងវិស័យ កុន និងជាពិធីករ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]