ពីក្មេងស្រីសាមញ្ញ មិនសូវចេះលេងខ្លួន ពេលនេះអ៊ុក សុវណ្ណារី កាន់តែស្អាត ពេលពេញវ័យ!

ភ្នំពេញ៖ ប្រិយមិត្តជាច្រើនប្រាកដជាបានដឹងហើយថា តារាចម្រៀងវ័យក្មេង និងជាបេក្ខភាពការប្រលងចម្រៀងកុមារលំដាប់ថ្នាក់ពិភពលោក The Voice Kids រដូវកាលទី១ ប្អូនស្រីអ៊ុក សុវណ្ណារី កាន់តែទទួលបាននូវការស្រលាញ់ ពីបណ្តាអ្នកគាំទ្រជាច្រើនមិនថាក្មេងចាស់ ក្រោយបានឃើញសមត្ថភាពច្រៀងដ៏ល្អរបស់នាង។

មួយរយៈពេលនេះឃើញថា ក្មេងស្រីរូបនេះហាក់ដូចជាស្ងាត់ពីសិល្បៈ ដោយមិនសូវឃើញលេចមុខនៅក្នុងកម្មវិធីច្រៀងនានានោះទេ ក៏ប៉ុន្តែនៅក្នុងនោះគេក៏បានចាប់អារម្មណ៍ទៅលើ មុខមាត់ក៏ដូចជារូបសម្រស់របស់នាង កាន់តែស្រស់ស្អាតខ្លាំងឡើង ត្រឹមមួយរយៈពេលដ៏ខ្លី។

បើប្រៀបធៀបនៅពេលដែលនាង ចូលប្រលងកម្មវិធីមួយនេះ ប្អូនស្រីមិនទាន់ចេះលេងខ្លួនដូចពេលបច្ចុប្បន្ននោះទេ ពោលគឺនាងនៅក្មេង ទើបមកទល់នឹងពេលនេះធ្វើឲ្យសម្រស់របស់នាង កាន់តែស្អាតក្រោយពេញវ័យ ចេះលេងខ្លួនស្អាតៗ។

ទន្ទឹមនឹងនេះដែរ មហាជនជាច្រើនក៏បាននាំគ្នា សរសើរដល់ប្អូនស្រី ក៏ដូចជានៅតែបន្តធ្វើការគាំទ្រជាបន្តបន្ទាប់ ព្រោះសមត្ថភាពដ៏ល្អគួរឲ្យសរសើរនៅក្នុងការបញ្ចេញសម្លេង មិនចាញ់តារារៀមច្បង៕

សូមទស្សនារូបភាពខាងក្រោមនេះ៖

• អ៊ុក សុវណ្ណារី
• តារាខ្មែរ