ភ្នំពេញ៖ ក្រុមហ៊ុន Huawei បានសម្ពោធស្មាតហ្វូនជំនាន់ថ្មីរបស់ខ្លួន ដែលអាចបត់បាន និងដំណើរការបច្ចេកវិទ្យា 5G កាលពីថ្ងៃអាទិត្យម្សិលមិញ ក្នុងកម្មវិធីសន្និសីទទូរស័ព្ទពិភពលោក (Mobile World Congress) នៅទីក្រុង Barcelona ហើយនេះជាការបង្ហាញសាច់ដុំទៅទីក្រុងវ៉ាស៊ីនតោន ដែលព្យាយាមរារាំងបច្ចេកវិទ្យា 5G របស់ខ្លួន ។

ពិធីសម្ពោធស្មាតហ្វូន Huawei Mate X

ការបង្ហាញស្មាតហ្វូន ដែលអាចបត់បាននេះ ពិតជាបានទាក់ទាញការចាប់អារម្មណ៍របស់អ្នកចូលរួមយ៉ាងខ្លាំង ក្នុងសន្និសីទទូរស័ព្ទពិភពលោកនេះ។ Huawei Mate X មានតម្លៃ $2,600 ហើយអេក្រង់របស់វាមានព័ទ្ធជុំវិញនៅផ្នែកខាងក្រៅដែលយើងនៅតែអាចមើលបាន នៅពេលដែលនៅបិទ ដែលឡួយជាង Galaxy Fold របស់ Samsung។

គួររំលឹកផងដែរថា អាមេរិកបានដាក់សម្ពាធលើក្រុមហ៊ុន Huawei យ៉ាងខ្លាំងដោយបានចោទប្រកាន់ថា Huawei បានប្រើឧបករណ៍បច្ចេកវិទ្យារបស់ខ្លួន ដើម្បីស៊ើបការរឿងសម្ងាត់ប្រទេសលោកខាងលិច។ មិនតែប៉ុណ្ណោះ អាមេរិកក៏អំពាវនាវឲ្យប្រទេសជាសម្ព័ន្ធភាពរបស់ខ្លួន កុំប្រើបច្ចេកវិទ្យារបស់ Huawei ផងដែរ។

ក្រុមហ៊ុន Huawei ដែលជាក្រុមហ៊ុនស្មាតហ្វូនធំបំផុតលំដាប់ថ្នាក់លេខពីរក្នុងពិភពលោក និងជាក្រុមហ៊ុនផ្គត់ផ្គង់ឧបករណ៍បច្ចេកវិទ្យាប្រព័ន្ធទូរស័ព្ទឈានមុខក្នុងពិភពលោក បានបដិសេធ និងច្រានចោលការចោទប្រកាន់ទាំងស្រុង ម្តងហើយម្តងទៀតថា ខ្លួនមិនបានប្រើឧបករណ៍បច្ចេកវិទ្យារបស់ខ្លួន ដើម្បីស៊ើបការរឿងសម្ងាត់របស់ប្រទេសនាមួយឡើយ។ ការចោទប្រកាន់នេះ សុទ្ធតែជាហេតុផលនយោបាយរបស់អាមេរិក។

ក្នុងបទសម្ភាសជាមួយនឹង BBC លោក Ren Zhengfei ស្ថាបនិកក្រុមហ៊ុន Huawei បានលើកឡើងថា អាមេរិកគ្មានផ្លូវអាចវាយបំបាក់យើងបានទេ។ ពិភពលោកពិតជាត្រូវការ Huawei។ ការដាក់សម្ពាធនេះនឹងធ្វើឲ្យយើងកាន់តែខ្លាំង និងកាន់តែខិតខំប្រឹងប្រែងក្នុងការធ្វើឲ្យផលិតផល និងសេវារបស់យើងកាន់តែល្អជាងមុន។ ប្រសិនបើយើងមិនអាចដំណើរការអាជីវកម្មនៅប្រទេសលោកខាងលិច យើងនៅតែដំណើរការបាននៅខាងកើត។ ប្រសិនបើប្រទេសលោកខាងជើងមិនស្វាគមន៍ទេ យើងនៅមានប្រទេសនៅលោកខាងត្បូងដែរ។

ស្មាតហ្វូន Huawei Mate X

រីឯលោក Guo Ping នាយកផ្នែក Rotating របស់ក្រុមហ៊ុន Huawei បានលើកឡើងក្នុងការពិភាក្សារតុមូលជាមួយសារព័ត៌មានកាលពីថ្ងៃអាទិត្យ នៅទីក្រុង Barcelona ថា លោកនៅតែមិនយល់សោះ ហេតុអ្វីបានជាប្រទេសមហាអំណាចមួយនេះ ព្យាយាមវាយប្រហារ និងធ្វើការចោទប្រកាន់ដោយគ្មានមូលដ្ឋានទៅលើបច្ចេកវិទ្យាឈានមុខរបស់ Huawei។ លោកបានបន្ថែមទៀតថា Huawei តែងតែគោរពតាមច្បាប់អាជីវកម្មរបស់ប្រទេសចិន និងប្រទេសនិមួយៗ ដែលធ្វើអាជីវកម្ម ដូច្នេះ Huawei មិនដែល និងមិនអាចធ្វើអ្វីមួយ ដែលផ្ទុយពីច្បាប់របស់ប្រទេសណាមួយបានឡើយ។

បច្ចេកវិទ្យា 5G ឈានមុខរបស់ Huawei បានដាក់ឲ្យដំណើរការមុនគូរប្រកួតរបសខ្លួនដូចជា Sweden's Ericsson ឫ Finland's Nokia បានមុនរហូតដល់ 12 ខែ។

គួរបញ្ជាក់ផងដែរថា Huawei គឺជាម៉ាកដែលស្ថិតក្នុងលេខរៀងទី 68 ក្នុងចំណោមម៉ាកដែលមានតម្លៃបំផុតក្នុងពិភពលោក (Forbes World’s Most Valuable Brands) និងស្ថិតនៅលេខរៀងទី 12 ពី Brand Finance Global 500 នៅក្នុងឆ្នាំ 2019 ហើយគុណតម្លៃម៉ាក (brand value) មានការកើនឡើង 63.7% បើប្រៀបធៀបពីឆ្នាំ 2018 ទៅ 2019។ មិនតែប៉ុណ្ណោះ Huawei បានលក់ស្មាតហ្វូនក្នុងទីផ្សារ បានរហូតដល់ 200,000,00 គ្រឿងក្នុងឆ្នាំ 2018៕

ពិធីសម្ពោធស្មាតហ្វូន Huawei Mate X
ពិធីសម្ពោធស្មាតហ្វូន Huawei Mate X
ពិធីសម្ពោធស្មាតហ្វូន Huawei Mate X
ពិធីសម្ពោធស្មាតហ្វូន Huawei Mate X
ពិធីសម្ពោធស្មាតហ្វូន Huawei Mate X
ការផ្តល់បទសម្ភាសជាមួយសារព័ត៌មាន BBC News
ស្មាតហ្វូន Huawei Mate X
ស្មាតហ្វូន Huawei Mate X

ទស្សនាការផ្សាយផ្ទាល់ពីកម្មវិធីសម្ពោធកាលពីយប់មិញ៖ 

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]