Bella និង Pope កំពុងគិតគូត្រៀមថតរឿង «បុព្វេសន្និវាសវគ្គ២» ក្នុងពេលឆាប់ៗខាងមុខនេះហើយ!

ថៃ៖ ប្រិយមិត្តប្រាកដាជាបានស្គាល់ហើយនូវ រឿងភាគថៃល្បីកក្រើករឿង «បុព្វេសន្និវាស» ដែលបានចាក់ផ្សាយនៅលើកញ្ចក់ទូរទស្សន៍ប៉ុស្តិ៍លេខ៣ថៃ កាលពីអំឡុងខែកុម្ភៈ ឆ្នាំ២០១៨កន្លងទៅនេះ ទទួលបានការគាំទ្រយ៉ាងច្រើនលើសលប់ ពីសំណាក់ប្រិយមិត្តគាំទ្រគ្រប់មជ្ឈដ្ឋានផងដែរ។

ទន្ទឹមនឹងខ្សែភាពយន្តមួយនេះទទួលបានជោគជ័យយ៉ាងពេញទំហឹងផងដែរ ស្រាប់តែកាលពីថ្មីៗនេះ តារាសម្តែងប្រុសស្រីកំពុងមានប្រជាប្រិយភាព តួឯកប្រុសស្រីក្នុងរឿង «បុព្វេសន្និវាស» លោក Pope Thanawat និងកញ្ញា Bella Ranee ទាំងពីរដួងនេះ បានចូលរួមនៅក្នុងកម្មវិធីមួយរបស់ Legend Siam Pattaya ដោយក្នុងនោះ អ្នកទាំងពីរក៏បានលើកយកនូវរឿង «ព្រហ្មលិខិត» ដែលជាវគ្គទី២នៃរឿង «បុព្វេសន្និវាស» មកនិយាយនៅក្នុងកិច្ចសម្ភាសន៍ផងដែរ។

ខាងក្រោមនេះជាកិច្ចសម្ភាសន៍របស់ Pope និង Bella ជាមួយអ្នកកាសែត៖

Bella: សម្រាប់វគ្គទី២នេះ អត្ថបទរឿងគឺអ្នកសរសេររឿងគាត់កំពុងតែសរសេរ។
អ្នកការសែត: តើផលិតករមានណាត់អ្នកទាំងពីរជួប សម្រាប់ការថតរឿងថ្មីនេះឬនៅ
Bella: នៅទេ។
អ្នកកាសែត: ចុះនាងមានប្រាប់កញ្ញាពីអ្វីខ្លះហើយឬនៅ?
Bella: នាងបានប្រាប់ខ្ញុំថា ខ្ញុំនឹងមានការងារ(Homework)ច្រើនដែលត្រូវធ្វើ សម្រាប់រឿងថ្មិនេះ។
Pope: ខ្ញុំមិនដឹងថា នៅពេលណា ទើបអត្ថបទរឿងសរសេរហើយនៅឡើយទេ។
អ្នកកាសែត: កាលពីវគ្គ១ពិតជាអស្ចារ្យណាស់ តើអ្នកមានអារម្មណ៍យ៉ាងណាដែរចំពោះវគ្គ២នេះ?
Bella: ខ្ញុំនឹងធ្វើឲ្យបានល្អបំផុតដើម្បីវា។
Pope: តួអង្គរបស់ខ្ញុំសម្រាប់វគ្គទី២នេះ នឹងក្មេងជាងវគ្គមុន។

យ៉ាងណាមិញ នៅក្នុងកិច្ចសម្ភាសន៍នេះផងដែរ តារាសម្តែងស្រី Bella ក៏បានបញ្ជាក់ផងដែរ រឿង«ព្រហ្មលិខិត» នេះនឹងត្រៀមចេញថតក្នុងពេលឆាប់ៗខាងមុខនេះហើយ៕

• ភាពយន្ត
• តារាថៃ