កូរ៉េខាងត្បូង៖ ថ្មីៗនេះ រូបថតកាលពីរៀនថ្នាក់វិទ្យាល័យរបស់ តារាKpopស្រីពន្លកថ្មីសមាជិកក្រុម ITZY នាង Yuna កំពុងតែអង្រួនបេះដូងអ្នកគាំទ្រកម្លោះក្រមុំជាមួយនឹង រូបសម្រស់ស្រស់ស្អាតបែបសិស្សសាលារបស់នាង។
ជាក់ស្តែង រូបថតប៉ុន្មានសន្លឹកខាងក្រោមនេះ គឺជារូបថតរបស់ Yuna កាលពីនាងមានអាយុ១៥ឆ្នាំ មិនតែប៉ុណ្ណោះ យោងតាមប្រភពជិតដិតបានឲ្យដឹងថា តារាស្រីរូបនេះ ថែមទាំងជាអត្តពលិកកីឡាបាល់ទះដ៏ឆ្នើមម្នាក់ ប្រចាំសាលាថែមទៀតផង។ លើសពីនេះទៅទៀតនោះ នាងក៏ធ្លាប់ចូលប្រកួតកីឡា នៅក្នុងព្រឹត្តិការណ៍កីឡាដ៏ធំមួយផងដែរ។
តួយ៉ាង ក្នុងរូបថតខាងក្រោមនេះ Yuna បានស្លៀកសម្លៀកបំពាក់ជាកីឡាការីនីបាល់ទះ ដែលពោរពេញទៅដោយទំនុកចិត្ត ភាពជឿជាក់ ដែលវាធ្វើឲ្យរូបសម្រស់របស់នាងកាន់តែមានភាពលេចធ្លោផងដែរ។ បន្ថែមពីនេះ បណ្តាអ្នកលេងអ៊ីនធើណែតជាច្រើន ក៏បានធ្វើការកោតសរសើរពីរូបសម្រស់នាង និងថែមទាំងបានប្រៀបធៀបនាងដូចជាតួឯកស្រីស្រីម្នាក់ ក្នុងខ្សែភាពយន្តថែមទៀតផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]