តារាវ័យក្មេង ពៅ ពិសី ត្រូវចោរចូលផ្ទះគាស់ទូដែក អស់លុយរាប់ម៉ឺនដុល្លារ (មានវីដេអូ)

ភ្នំពេញ៖ កាលពីពេលថ្មីៗនេះ មានការភ្ញាក់ផ្អើលពេញបណ្តាញសង្គមហ្វេសប៊ុក ក្រោយបានឃើញវីដេអូ តារាសម្តែងវ័យក្មេងប្អូនស្រីពៅ ពិសី ត្រូវបានចោរចូលគាស់ទូដែក អស់លុយរាប់ម៉ឺនដុល្លារនៅក្នុងនោះ ធ្វើឲ្យមហាជនជាច្រើនមានការសោកស្តាយយ៉ាងខ្លាំង។

តាមរយៈវីដេអូមួយនេះ នាងក៏បានរៀបរាប់ទាំងសោកស្តាយថា ចោរបានចូលគាស់តាមរយៈបង្អួចដែក រួចក៏ចូលមកយកទូដែកដែលនៅក្នុងផ្ទះ មកយកគាស់យកប្រាក់ជិត២ម៉ឺនដុល្លារនៅក្នុងនោះ និងទ្រព្យសម្បត្តិមួយចំនួនគ្មានសល់បន្តិចសោះតែម្តង។

ក្រោយពីបានទទួលបានដំណឹងនេះ មហាជនក៏ដូចជាអ្នកលេងបណ្តាញសង្គមជាច្រើន ពិតជាមានការសោកស្តាយ ចំពោះការបាត់បង់ទ្រព្យសម្បតិ្តដ៏មានតម្លៃរបស់ក្រុមគ្រួសារនាងយ៉ាងខ្លាំង ដែលត្រឹមរយៈពេលដ៏ខ្លី ត្រូវបាត់អស់រាប់ម៉ឺនដុល្លារបែបនេះ។

ទន្ទឹមនឹងនេះដែរ វីដេអូខ្លីៗរបស់នាងក៏បានធ្វើឲ្យមហាជនក្តុកក្តួល និងមានការស៊ែរតៗគ្នាពេញបណ្តាញសង្គមហ្វេសប៊ុកតែម្តង មិនត្រឹមតែប៉ុណ្ណោះពួកគេក៏បានចូលរួមសោកស្តាយ ដល់ក្រុមគ្រួសារបស់តារាវ័យក្មេងរូបនេះ ដែលបានបាត់បង់ប្រាក់គ្មានសល់ ដោយសារតែស្នាដៃចោរយ៉ាងដូច្នោះ៕

សូមទស្សនាវីដេអូខាងក្រោមនេះ៖ 

• វីដេអូ
• តារាខ្មែរ