ថៃ៖ មួយរយៈពេលថ្មីៗនេះ តារាសម្តែងស្រីកំពុងមានប្រជាប្រិយភាព Yaya Urassya ហាក់បីដូចជាជួបរឿងមិនសូវល្អជាញឹកញាប់ ក្នុងអំឡុងពេលថតខ្សែភាពយន្តថ្មីរឿង «Klin Kasalong» ដោយកាលពីមិនប៉ុន្មានថ្ងៃមុននេះ Yaya បានដួលខ្យល់គ ពេលកំពុងថតឈុតឆាកក្នុងរឿងមួយនេះ។
មិនតែប៉ុណ្ណោះ កាលពីម្សិលមិញនេះ Yaya ក៏ត្រូវបានជួបនឹងសំណាងមិនល្អទៀត ដោយនាងស្រាប់តែប្រតិកម្មថ្នាំ ក្នុងអំឡុងពេលកំពុងថតរឿង «Klin Kasalong» ដែលធ្វើឲ្យក្រុមការងារថតទាំងមូលត្រូវរំសាយការថតទាំងអស់ និងបានបញ្ជូននាងទៅកាន់មន្ទីរពេទ្យ ដើម្បីធ្វើការសង្គ្រោះបន្ទាន់ក្នុងបន្ទប់ ICU ភ្លាមៗតែម្តង។
ប៉ុន្តែមិនថាយ៉ាងណា តាមរយៈព័ត៌មានចុងក្រោយបង្អស់ បានឲ្យដឹងថា ពេលនេះអាការរបស់ Yaya បានល្អប្រសើរឡើងហើយ ពោលគឺ នាងអាចត្រលប់ទៅផ្ទះវិញជាធម្មតាវិញហើយ។
ដោយឡែក ទោះជាយ៉ាងណា អ្នកគាំទ្រក៏នៅតែមានការព្រួយបារម្ភជាខ្លាំង ចំពោះសុខភាពរបស់ Yaya ដោយសារតែ នេះមិនមែនជាលើកទី១ឡើយ ដែលនាងជួបហេតុការណ៍វិលមុខសន្លប់បែបនេះ ក្នុងអំឡុងពេលថតខ្សែភាពយន្តថ្មី ដែលត្រៀមនឹងចាក់បញ្ចាំងនេះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]