រាជធានីភ្នំពេញ ៖ ពេលនេះអតីតបេក្ខជន Cambodia Idol ដ៏ឆ្នើមនារដូលកាលទី១លោក សៅ ឧត្តម ស្រាប់តែមានគម្រោងរៀបការពេញច្បាប់ផ្លូវការនៅប៉ុន្មានថ្ងៃខាងមុខនេះក្នុងខែកុម្ភៈ។ នេះជាដំណឹងថ្មីមួយទៀតដែល កោះសន្តិភាព ទទួលបានពីប្រភពច្បាស់ការណ៍ ។
បើតាមការណ៍ឲ្យដឹងលោក សៅ ឧត្តម បុរសមុខស្រស់ស្រអែមខ្មៅមានប្រភពមកពីខេត្តស្វាយរៀងបានត្រូវគេអះអាងថា រៀបការក្រោមច្បាប់ប្រពៃណីខ្មែរនៅថ្ងៃទី២៤ ខែកុម្ភៈ ឆ្នាំ២០១៩ ខាងមុខហើយ ។
ពិធីសូត្រមន្តនាល្ងាចថ្ងៃទី២៣ ខែកុម្ភៈ ឆ្នាំ២០១៩ហើយស្អែកឡើងរៀបពិធីផ្សេងៗតាមការគ្រោងទុក ។ ពិធីជប់លៀងនាពេលល្ងាចដែលគេរំពឹងថាមានការចូលរួមពីភ្ញៀវកិត្តិយស និងតារាជាច្រើននឹងធ្វើក្នុងបរិវេនសាកលវិទ្យាល័យភូមិន្ទកសិកម្មចម្ការដួង ។
គូភរិយាថ្មីនេះឃើញថា សមគ្នាល្អនៅពេលបានឃើញរូបភាពបង្ហោះដោយលោក សៅ ឧត្តម អ្នកណាៗក៏សរសើរ និងជូនពរគ្រប់គ្នាក្រោយតារាសម្លេងផ្អែមថ្នមរកបានគោលដៅជីវិតបង្កើតជាគ្រួសារ១ ។
សូមបញ្ជាក់ផងដែរថា លោក សៅ ឧត្តម ជាបេក្ខជនឆ្នើមកាលប្រឡងចម្រៀងដោយលោកបានឆ្លងដល់វគ្គផ្តាច់ព្រ័ត្រពេលនោះលោកឈរក្នុងលំដាប់ជើងខ្លាំងរួមមានម្ចាស់ពាន នី រតនា និងលោក ម៉ៅ ហាជី ដោយអ្នកលើក ។ ក្រោយប្រឡងលោកក៏ងាកច្រៀង និងផលិតចម្រៀងតាមយូធូបហើយក៏ឧស្សាហ៍លេចមុខ និងបទចម្រៀងក្នុងផលិតកម្មអិលឌីផងដែរ ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]