រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា មុននេះ បុរសម្នាក់ត្រូវឈរនៅពីមុខរថភ្លើងកំពុងបោះពួយយ៉ាងលឿន បណ្តាលឱ្យបុកអូសប្រមាណជាង១០ម៉ែត្រស្លាប់យ៉ាងអាណោចអាធ័មភ្លាមៗនៅនឹងកន្លែងកើតហេតុ បង្កឱ្យមានការភ្ញាក់ផ្អើលកាលពីម៉ោង១១និង១៥នាទីព្រឹក តាមផ្លូវរថភ្លើង ស្ថិតក្នុងសង្កាត់ទឹកល្អក់ទី១ ខណ្ឌទួលគោក។
សេចក្តីរាយការណ៍បន្តទៀតថា ជនរងគ្រោះខាងលើឈ្មោះ កង ចាន់នី ហៅជាំ អាយុប្រមាណ៤២ឆ្នាំ ជាបុរសអនាថា ថែមទាំងញៀនថ្នាំ ទីលំនៅមិនប្រាកដ ជួនកាលស្នាក់នៅក្រោមដើមឈើជិតកន្លែងកើតហេតុ ។
បើតាមសាក្សីនៅកន្លែងកើតហេតុបានឱ្យដឹងថា មុនពេលកើតហេតុ គេឃើញរថភ្លើងធ្វើដំណើរតាមផ្លូវរថភ្លើងក្នុងទិសដៅពីកើតហេតុទៅលិច ខណៈនោះបុរសអនាថាជាជនរងគ្រោះខាងលើមកឈរកាងលើផ្លូវរថភ្លើង ស្របពេលនោះរថភ្លើងមកដល់បុកពេញទំហឹងអូសជនរងគ្រោះប្រមាណជា១០ម៉ែត្រ បណ្តាលឱ្យជនរងគ្រោះស្លាប់ភ្លាមៗនៅនឹងកន្លែងកើតហេតុតែម្តង ។
ក្រោយកើតហេតុ សមត្ថកិច្ចបានចុះមកដល់កន្លែងកើតហេតុធ្វើការវាស់វែង និងត្រួតពិនិត្យនៅកន្លែងកើតហេតុ ។
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]