អាណិតណាស់! ពេលនេះ នាយសានម៉ៅ ពិបាកដកដង្ហើម ត្រូវចោះបំពង់ក រហូតធ្វើឲ្យនិយាយមិនបាន!

ភ្នំពេញ៖ ប្រិយមិត្តជាច្រើនប្រាកដជាបានជ្រាបហើយថា តារាកំប្លែងដ៏មានប្រជាប្រិយភាព នាយសានម៉ៅ បានធ្លាក់ខ្លួនឈឺជាទម្ងន់ ក្រោមស្ថានភាពដ៏គួរឲ្យព្រួយបារម្ភ ខណៈពេលដែលថវិកានៅក្នុងការព្យាបាល ក៏ដូចជាជីវភាពរបស់លោកពេលនេះ កំពុងតែពិបាកខ្លាំង។

ជាក់ស្តែងកាលពីពេលថ្មីៗនេះ លោកអ៊ឹម ជីវ៉ា ក៏បានធ្វើការចុះទៅសួរសុខទុក្ខដល់លោកផ្ទាល់ ដោយបានរៀបរាប់ ជាមួយនឹងស្ថានភាពជំងឺរបស់លោកពេលនេះ ធ្វើឲ្យមហាជនជាច្រើនពិតជាក្តុកក្តួលនៅក្នុងចិត្តយ៉ាងខ្លាំង ព្រោះមិននឹកស្មានថាជំងឺរបស់លោក នៅពេលនេះកាន់តែពិបាកខ្លាំងឡើងយ៉ាងដូច្នោះ។

បើតាមការរៀបរាប់របស់តារាប្រុសចិត្តធម៌រូបនេះ បាននិយាយថាតារាកំប្លែងរូបនេះកំពុងតែសម្រាកព្យាបាលនៅមន្ទីរពេទ្យប្រទេសថៃ ដោយការពិបាកនៅក្នុងការដកដង្ហើមពេក ខាងមន្ទីរពេទ្យ ក៏បានធ្វើការចោះបំពង់ក របស់លោក ដូច្នោះហើយទើបធ្វើឲ្យលោកមិនអាចនិយាយបាននោះទេ នៅក្នុងពេលនេះ។

បន្ទាប់ពីបានដឹងពីស្ថានភាពជំងឺមួយនេះ បានធ្វើឲ្យមហាជនជាច្រើន ពិតជាអាណិតដល់រូបលោកយ៉ាងខ្លាំង ដែលមិននឹកស្មានថារយៈពេលជាច្រើនខែ ឆ្លងកាត់ការព្យាបាលយ៉ាងច្រើន ក៏ប៉ុន្តែនៅទាន់ឲ្យលោកមានភាពធូរស្បើយនៅឡើយនោះទេ៕

សូមទស្សនារូបភាពខាងក្រោមនេះ៖ 

• នាយសាន ម៉ៅ