តារាអ៊ីនស្តារក្រាម Tang Uykheang ចែកផ្កាកុលាប Free បង្ហាញក្តីស្រលាញ់ដ៏ធំធេង! (មានវីដេអូ)

ភ្នំពេញ៖ នាឱកាសនៃទិវាបុណ្យនៃសេចក្តីស្រលាញ់ឆ្នាំ ២០១៩ នេះ តារាប្រចាំបណ្ដាញអ៊ីនស្តារក្រាមដ៏មានប្រជាប្រិយភាពមួយរូប គឺលោក Tang Uykheang បានយកផ្កាកុលាបក្រហមជាច្រើនទងទៅចែកដល់មនុស្សជាច្រើននាក់។

ហើយលោកក៏បានបញ្ជាក់ផងដែរថា នេះជាលើកទី១ហើយសម្រាប់លោកដែលធ្វើបែបនេះ ហើយការដើរចែកផ្កាកុលាបនៅទីសាធារណៈដូច្នេះគឺលោកចង់បង្ហាញក្តីស្រលាញ់ដ៏ធំធេងទៅកាន់អ្នកគ្រប់គ្នា មិនចំពោះតែថ្ងៃទី ១៤ កុម្ភៈ នោះទេ ហើយក្តីស្រលាញ់ក៏អាចធ្វើបានគ្រប់ពេល ជាពិសេសគឺការគោរពស្រលាញ់អ្នកមានគុណ ដែលជាបេះដូងរបស់យេីងព្រោះក្តីស្រលាញ់របស់ពួកគាត់ គឺមានរាល់ថ្ងៃសម្រាប់យេីង។

សូមបញ្ជាក់ថានេះក៏ជាការចែករំលែកក្តីស្រលាញ់របស់លោកទៅកាន់អ្នកគាំទ្រ ដែលសុទ្ធសឹងជាមនុស្សជាទីស្រលាញ់របស់លោកដែរ ហើយដែលបានធ្វើឡើងនៅម្តុំមាត់ទន្លេនៃរាជធានីភ្នំពេញ បានបង្កឱ្យបរិយាកាសនៅទីនោះពោរពេញដោយភាពសប្បាយរីករាយក្នុងថ្ងៃដ៏ពិសេសនេះ។

គួរឱ្យដឹងទៀតផងដែរថា លោក Tang Uykheang បានទទួលការគាំទ្រជាច្រើនពីសំណាក់អ្នកប្រើអ៊ីនធឺណិត រាល់ពេលលោកបង្ហោះវីដេអូប្លែកៗ បែបកំប្លែងជាច្រើនកាលពីពេលកន្លងមកនេះ៕

ចូលទៅកាន់អ៊ីនស្តារក្រាមរបស់លោក uykheang_tang

សូមទស្សនារូបភាព និងវីដេអូដូចខាងក្រោម៖

• វីដេអូ