ខេត្តកំពង់ស្ពឺ ៖ បុរសដែលមានប្រពន្ធ និងកូនទៅហើយនោះ បានមានបំពានផ្លូវភេទទៅលើនារីដែលមានសតិមិនគ្រប់ម្នាក់អស់រយៈពេលច្រើនឆ្នាំមកហើយ ទើបតែលើកចុងក្រោយនេះបែកការណ៍ ហើយត្រូវសមត្ថកិច្ចឃាត់ខ្លួនចាត់ការតាមនីតិវិធីច្បាប់។ ករណីបំពានផ្លូវភេទ ទើបបែកការណ៍នេះត្រូវសមត្ថកិច្ចឃាត់ខ្លួនកាលពីម៉ោង៨និង៣០នាទីយប់ ថ្ងៃទី១១ ខែកុម្ភៈ ឆ្នាំ២០១៩ នៅចំណុចភូមិថ្នល់ដាច់ ឃុំព្រះខែ ស្រុកបសេដ្ឋ ខេត្តកំពង់ស្ពឺ។
បើប្រភពពីសមត្ថកិច្ចបានឱ្យដឹងថា ជនសង្ស័យខាងលើឈ្មោះ សេក វ៉ាន ភេទប្រុស អាយុ៤៧ ឆ្នាំ រស់នៅភូមិថ្នល់ដាច់ ឃុំព្រះខែ ស្រុកបសេដ្ឋ ខេត្តកំពង់ស្ពឺ ជនសង្ស័យត្រូវសមត្ថកិច្ចឃាត់ខ្លួនបន្ទាប់ពីធ្វើសកម្មភាពរំលោភសេពសន្ថវៈទៅលើស្ត្រីរងគ្រោះអាយុ៤៥ឆ្នាំ (ស្មារតីមិនគ្រប់) ។
ក្រោយសមត្ថកិច្ចឃាត់ខ្លួនជនសង្ស័យបានឆ្លើយសារភាពថា ខ្លួនបានរំលោភលើនារីរងគ្រោះអស់រយៈពេលច្រើនឆ្នាំមកហើយ (ក្នុងឆ្នាំ2016, 2019) មិនដែលបែកការណ៍នោះទេ ទើបចុងក្រោយនេះ បន្ទាប់ពីរំលោភនាងហើយ ខ្លួនហាក់បីដូចជាអស់កម្លាំងក៏ដេកលក់រហូតដល់ភ្លឺហើយត្រូវបានប្រពន្ធ និងសាច់ញាតិស្ត្រីរងគ្រោះមកឃើញទាំងខ្លួនអាក្រាត ក៏បែកការណ៍តែម្តង។ ជនសង្ស័យបានបន្តថា អស់រយៈពេលច្រើនឆ្នាំមកហើយដែលខ្លួនរួមមេត្រីជាមួយនារីរងគ្រោះ គឺមិនដែលភ្លាត់ស្នៀតធ្វើឱ្យនាងមានគភ៌នោះទេ ដោយសារតែខ្លួនមានបច្ចេកទេស។
ក្រោយស្តាប់ចម្លើយសារភាពរបស់ជនសង្ស័យរួចមកធ្វើឱ្យសមត្ថកិច្ចហាក់បីដូចជាអស់សំណើចនូវសម្តីរបស់ជនសង្ស័យរូបនេះយ៉ាងខ្លាំង ខណៈដៃជាខ្នោះហើយនៅនិយាយអួតពីបច្ចេកទេសលើគ្រែទៀត។
លុះនៅរសៀលថ្ងៃទី១៣ ខែកុម្ភៈ ២០១៩នេះ បន្ទាប់ពីកសាងសំណុំរឿងរួចរាល់ សមត្ថកិច្ចបានបញ្ចូនជនសង្ស័យរូបនេះទៅកាន់ការិយាល័យជំនាញនៃស្នងការដ្ឋាននគរបាលខេត្តចាត់ការបន្តតាមនីតិវិធី៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]